2 Samel 19:19 - Maktub gə́ To gə Kəmee

¹⁹ Too gə́ boi gə́ deḛ gɔlee mbata lə mbai lé d’odo ne njémeekəije ləa mba gaŋg ne baa. Loo gə́ mbai a gə gaŋg baa gə́ Jurdɛ̰ ndá léegəneeya Simei, ŋgolə Gera unda barmba nea̰’g.

2 Samel 19:19 ပူးပေါင်းရင်းမြစ်များ

2 Samel 13:20

Absalɔm, ŋgokea̰ gə́ diŋgam lé dəjee pana: See Amno̰, ŋgokɔḭ gə́ diŋgam lé to səi wa. Ɓasinè, kɔnanəm, əw rɔi no̰, yeḛ to ŋgokɔḭ gə́ diŋgam ya, ar né neelé ar məəi oḭ ne yaa̰ el. Ndá Tamar si gə kəmndoo mee kəi’g lə Absalɔm, ŋgokea̰ gə́ diŋgam lé.

2 Samel 13:33

Maji kar mee mbai ea̰ yaa̰ aree ə̰ji to gə́ ŋgalə mbai d’wəi lai lé bèe el mbata Amno̰ ya gə karee ba ɓa wəi.

2 Samel 19:18

Bḛjamije gə́ d’aw səa lé d’as tɔl-dɔg (1.000) ləm, gə Siba, kura lə njémeekəije lə Sawul gə ŋganeeje gə́ diŋgam dɔg-gir-dee-mi gə kuraje ləa rɔ-joo səa na̰’d ləm tɔ. Deḛ gaŋg baa gə́ Jurdɛ̰ no̰ mbai’g.

Pakɔsje 32:2

Dəw gə́ Njesigənea̰ tura goo kaiya ləa ɔm dəa’g el ləm, Taŋgɔm kára kara wa mée el ləm tɔ ndá si dan rɔlel’g ya.

Pakɔsje 79:8

Ar məəi olé teḛ dɔ néra kori-korije’g lə sí gə́ ləw lé el ŋga. Maji kar némeekaw taḭ-taḭ ləi lé ree gə tɔgee tila kəm sí Mbata jeḛ lé kəm sí to ndòo yaa̰.

Njekillamber 10:4

Ɓó lé oŋg lə mbai ḭ səa pu dɔi’g ndá ya̰ loo-sii el mbata si lɔm lé ɓa gə́ kuma̰ dum dɔ boo-néje gə́ to lée’g el lé.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Bula lə Israɛlje 12:11

Togə́bè Aaro̰ ula Moyis pana: Ǝi mbai ləm, ma m’ra ndòo rɔi’g, ar bo̰ ta mbə gə́ jeḛ m’paje gə́ ar ta kaiya wa ne dɔ sí lé ɔs ta sí’g el ya kari.

Matiyo 27:4

ula dee pana: Ma lé m’ra kaiya, ma m’ila ne məs njemeekarabasur naŋg. Deḛ tel d’ilá keneŋ pana: See ta ri lə síjeḛ ɓəi ɓa to keneŋ wa. To ta ləi i nja ŋga.

2 Njé gə́ Kɔrḭtə 5:19

Mbata Ala ɓa to dərgel Kristi ɓa ɔm ne dəwje gə́ dɔ naŋg nee səa-yeḛ na̰’d ɓó tura ne sə dee goo meekɔsgel lə dee el. Ta kɔm dəwje na̰’d gə Ala yəg lé ɓa yeḛ ɔm ji sí’g mba kar sí j’ɔr gée.

1 Samel 22:15

See ɓogənè ɓəi ɓa m’un kudu dəji ta Ala mbata ləa ɓəi wa. Wah! togə́bè el! Maji kar mbai ila ta kari ba dɔ kura’g ləa əsé dɔ dəw’g kára mbuna njémeekəije’g lə bɔbeeje el tɔ. Mbata ta neelé yeḛ gə́ lam əsé yeḛ gə́ boi kara kura ləi gər kára kara el.

1 Samel 25:25

Maji kar mbai ləm unda mee dɔ Nabal mbə-dəw’g neelé el mbata yeḛ to to gə́ ria bèe. Nabal ɓa gə́ ria ndá yeḛ lé néra mbə ɓa uru kəi mée’g. Ma kura ləi gə́ dené lé m’oo basaje gə́ mbai ləm ula dee lé el.

1 Samel 26:21

Sawul pana: Ma m’ra kaiya. Maji kari tel ree, ŋgonəm Dabid, mbata m’a ra səi némajel el ŋga mbata ɓogənè i oo loo si kəmba ləm gə́ né gə́ gadee to yaa̰ kəmi’g ya. Ma ɓa m’ra né to gə́ mbə bèe ləm, m’ra majel gə́ al dɔ loo sula ləm tɔ.