2 Samel 19:10 - Maktub gə́ To gə Kəmee

¹⁰ Yen ŋga mbuna ginkoji Israɛlje’g lai lé koso-dəwje maḭ na̰ ta pana: Mbai gə́ to njetaa sí ji njéba̰je’g lə sí kɔm sí tar ləm, yeḛ nja aji sí ji Pilistije’g ləm tɔ, nɛ ɓasinè yeḛ ḭ mee ɓee’g aḭ no̰ Absalɔm’g.

2 Samel 19:10 ပူးပေါင်းရင်းမြစ်များ

2 Samel 15:14

Yen ŋga Dabid ula kuraje ləa gə́ d’isi səa Jerusalem lé pana: Ḭje tar ar sí j’aḭje mbata j’a kiŋga loo kaji rɔ sí no̰ Absalɔm’g el. Ɔsje rɔ sí ɓad mba kaw. Ɓó lé bèe el ndá yeḛ lé a tila gə́ tila el nɛ a kuba sí naŋg bus kar némeeko̰ teḛ dɔ sí’g ləm, yeḛ a rɔ ɓee-boo gə kiambas gə́ adə làm-làm ləm tɔ.

2 Samel 15:16

Bèe ɓa mbai lé unda loo teḛ aw ndá dəwje gə́ mee kəi’g ləa d’aw gée’g nɛ yeḛ ya̰ gamla-denéje dɔg ɓa mba kar dee ŋgəm kəi ləa.

2 Samel 18:14

Joab pana: M’a kaar naŋg tai’g nee saar-saar el! Ndá yeḛ taa niŋga-ndəije munda jia’g aw tɔs ne ɓəŋgərə Absalɔm loo gə́ yeḛ to kəmba ɓəi mbuna barkəm kag-terebḭtə’g lé.

2 Samel 19:11

Nɛ Absalɔm gə́ jeḛ j’wa dəa gə ubu mba karee o̰ ɓee dɔ sí’g lé yeḛ wəi loo-rɔ’g. See gelee ban ɓa seḭ paje ta mba kar mbai tel ree el wa.

2 Samel 19:40

Loo gə́ koso-dəwje lai gaŋg baa gə́ Jurdɛ̰ mba̰ ləm, mbai kara gaŋg ləm tɔ ndá mbai il ɓɔl Barjilai tɔr ne ndia dəa’g tɔ. Bèe ɓa Barjilai tel aw loo-siée’g ɓəi.

2 Samel 19:9

Togə́bè ɓa mbai lé ḭta aw si tarəwkɔg’d. D’ula njérɔje lai pana: Aa ooje, mbai si tarəwkɔg’d. Bèe ɓa njérɔje lai ree d’aar no̰ mbai’g lé. Nɛ njérɔje lə Israɛl ɓa d’aḭ d’ar nana kara aw mee kəi-kubu’g ləa-ləa ya.

Ojee 8:4

Deḛ d’unda mbaije lə dee Gə goo ndukun ləm el ləm, Deḛ d’unda ŋgan-mbaije lə dee Lal karm m’oo sə dee ləm tɔ. Larnda gə larlɔr lə dee lé Deḛ léḛ dee gə́ magəje, Gelee gə́ nee ɓa d’a tuji ne pugudu ya.

Njéga̰g-Rəwtaje 18:9

Deḛ d’ila keneŋ pana: Ar sí j’aw n’rɔje sə dee mbata jeḛ j’ooje ɓee lé ndá to ɓee gə́ maji yaa̰. Kwa! Ban ɓa seḭ raje né kára kara el ləm bèe wa! Ɔsje rɔ sí ɓad awje mba taaje ɓee neelé.