2 Samel 18:9 - Maktub gə́ To gə Kəmee

⁹ Absalɔm teḛ mbuna njé’g lə Dabid. Yeḛ uba kunda-mulayḛ̀je ləa. Kunda-mulayḛ̀je ləa aw andə səa mbuna kag’d gə́ boi gə́ ria lə térébḭtə ndá yiŋga dɔ Absalɔm kə́ barkəm kag’d lé aree na ne tar rḭdoŋ ndá kunda-mulayḛ̀je ləa lé teḛ gelee’g njal aw yá̰.

2 Samel 18:9 ပူးပေါင်းရင်းမြစ်များ

2 Samel 13:29

Kuraje lə Absalɔm ra gə Amno̰ to gə́ Absalɔm un ne ndia ar dee lé ya tɔ. Léegəneeya ŋgalə mbaije lai d’ḭ ndá nana kara uba kunda-mulayḛ̀je ləa-ləa ɓa aḭ aw.

2 Samel 14:26

Loo gə́ yeḛ ndisa dəa ndá kwɔi lə yiŋga dəa gə́ yeḛ ndisa lé al dɔ nékwɔji kwɔi-lə-né joo gə goo nékwɔji né lə mbai lé. Mbata mee ləb kára ndá yeḛ ndisa dəa gɔl kára-kára mbata yiŋga dəa lé wɔiee yaa̰.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 18:10

Njerɔ kára oo né neelé ndá yeḛ aw ula Joab pana: Aa oo, ma m’oo Absalɔm gə́ na barkəm kag-terebḭtə’g tar.

2 Samel 18:14

Joab pana: M’a kaar naŋg tai’g nee saar-saar el! Ndá yeḛ taa niŋga-ndəije munda jia’g aw tɔs ne ɓəŋgərə Absalɔm loo gə́ yeḛ to kəmba ɓəi mbuna barkəm kag-terebḭtə’g lé.

2 Samel 18:8

Rɔ lé taa loo mee ɓee’g neelé lai ar dəwje gə́ d’wəi mee kag-kɔr’g mee ndəa gən lé bula yaa̰ d’unda deḛ gə́ tɔl dee gə kiambas tɔ.

Maktub gə́ wɔji dɔ Jɔb 31:3

See tuji lé wɔji dɔ njemeeyèr el wa. See meeko̰ wɔji dɔ njera né kori-kori el wa.

Gosota-Kəmkàrje 20:20

Ɓó lé dəw ila ndɔl dɔ bɔbeeje’g əsé dɔ kea̰je’g ndá Pərndɔ ləa a kwəi misi dan loondul gə́ ndul njudu-njudu’g.

Gosota-Kəmkàrje 30:17

Dəw gə́ ndaji ndu bɔbeeje kogo ne ləm, Ŋgonkoji gə́ kəm kila dɔ kea̰je’g kara Yeḛ ula sul dɔ’g ləm tɔ lé Ga̰-ga̰je gə́ d’isi mbuna kəm-rəw-manje’g mbuna mbalje’g lé D’a tɔr guburu kəmee ləm, ŋgan niŋgatə̰dəje d’a səa ləm tɔ.

Jeremi 48:44

Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Matiyo 27:5

Yen ŋga Judas ula lar lé yag ɔm naŋg mee kəi-Ala’g, unda loo paar-paar teḛ aw ila kúla wəi.

Mark 7:10

Mbata Moyis pana: Təd kag bɔbije gə kɔinje, dəw gə́ ɔr gə bɔbeeje əsé kea̰je ndá d’a tɔlee gə́ tɔl ya.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Tel tura Godndu 21:23

a nai kaar kag’d loondul’g saar kar loo àr dɔ’g el, nɛ seḭ a dubeeje mee ndəa gən ya mbata yeḛ gə́ deḛ ɗaree lé to né gə́ ndɔl wa dəa kəm Njesigənea̰’g ndá maji kar sí arje ɓee gə́ Ala lə sí gə́ Njesigənea̰ ar sí gə́ nédɔji lə sí lé tel to gə́ né gə́ mina̰ el.

Tel tura Godndu 27:16

Meeko̰ a koso dɔ dəw gə́ ila ndɔl dɔ bɔbeeje’g əsé kea̰je’g! Ndá koso-dəwje lai d’a kila dee keneŋ pana: A to togə́bè ya!

Tel tura Godndu 27:20

Meeko̰ a koso dɔ dəw gə́ to gə dené lə bɔbeeje mbata yeḛ oo loo rɔkul lə bɔbeeje. Ndá koso-dəwje lai d’a kila dee keneŋ pana: A to togə́bè ya!