2 Samel 18:8 - Maktub gə́ To gə Kəmee

⁸ Rɔ lé taa loo mee ɓee’g neelé lai ar dəwje gə́ d’wəi mee kag-kɔr’g mee ndəa gən lé bula yaa̰ d’unda deḛ gə́ tɔl dee gə kiambas tɔ.

2 Samel 18:8 ပူးပေါင်းရင်းမြစ်များ

2 Samel 18:7

Lée neelé kuraje lə Dabid dum dɔ Israɛlje ndá mee ndəa gə́ neelé deḛ tɔl dəwje tɔl-dɔg-loo-rɔ-joo (20.000).

2 Samel 18:9

Absalɔm teḛ mbuna njé’g lə Dabid. Yeḛ uba kunda-mulayḛ̀je ləa. Kunda-mulayḛ̀je ləa aw andə səa mbuna kag’d gə́ boi gə́ ria lə térébḭtə ndá yiŋga dɔ Absalɔm kə́ barkəm kag’d lé aree na ne tar rḭdoŋ ndá kunda-mulayḛ̀je ləa lé teḛ gelee’g njal aw yá̰.

1 Mbaije 20:30

Ges deeje d’aḭ d’aw mee ɓee-boo gə́ Apek ndá ndògo-bɔrɔ təd unda dee-deḛ dəwje gə́ tɔl-dɔg-loo rɔ-jo-gir-dee-siri (27.000) gə́ naḭ lé tɔl dee. Ben-Adad aḭ iya rəa mee ɓee-boo’g ndá yeḛ lɔm rəa gə mee kəi-kəi.

Pakɔsje 3:7

Ma m’ɓəl koso-dəwje gə́ bula digi-digi Gə́ gugu dɔm sub lé el.

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Teḛ-Raga 15:10

I tó lel gə́ teḛ əmi’g pu ba ya ɓəi, Man baa-boo tur dɔ dee yal mba̰, Deḛ ndii to gə́ rɔm bèe Dan ŋguru mán’g lé tɔ.

Gosota-Kəmkàrje 24:21

Ŋgonəm, maji kari ɓəl Njesigənea̰ ləm, gə mbai lé ləm tɔ, Maji kari ɔm na̰’d gə dəwje gə́ njétula né na̰’dje el,

Gosota-Kəmkàrje 24:22

Mbata tuji gə́ boo a kuba dee naŋg bus Ndá see na̰ ɓa a gər bo̰ néra dee gə́ a kɔs ta dee’d gə́ yo gə́ nee wa.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.