2 Samel 18:28 - Maktub gə́ To gə Kəmee

²⁸ Ahimaas ra né wəl ndá ula mbai pana: Loo to maji ɓəi! Yeḛ rəm unda barmba dəb kəmee naŋg no̰ mbai’g ndá yeḛ pana: Maji kar dɔ ri Ala ləi gə́ Njesigənea̰ ai səgərə, yeḛ gə́ ar dəwje gə́ d’un ji dee rɔ ne gə mbai ləm d’udu guduru lé.

2 Samel 18:28 ပူးပေါင်းရင်းမြစ်များ

Gḭ-Néje 14:20

Maji kar dɔ Ala gə́ Njekurdɔloo lé ai səgərə, yeḛ gə́ ya̰ njéba̰je ləi jii’g. Yen ɓa Abram kai néje lai loo dɔg ɓa un təa kára aree.

Gḭ-Néje 24:27

pana: Maji kar dɔ Njesigənea̰, Ala lə ɓémje gə́ Abrakam, ai səgərə, yeḛ gə́ ya̰ goo meekoso lemsé gə meemaji ləa mbata lə ɓémje el lé! Ma nja kara Njesigənea̰ ɔr nɔm rəbə saar am m’teḛ ne kəi lə ŋgako̰ ɓémje gə́ diŋgam ya tɔ.

2 Samel 1:2

Ndɔ gə́ njekɔm’g munda ndá dəw kára ḭ loo-si njérɔje’g lə Sawul. Kubuje gə́ rəa’g ŋgisi ləm, kor wa dəa lub-lub ləm tɔ. Loo gə́ yeḛ ree aar no̰ Dabid’g ndá yeḛ oso naŋg bəbərə dəb kəmee naŋg.

2 Samel 14:4

Dené gə́ Tekoa lé aw pata ar mbai lé. Yeḛ oso naŋg bəbərə unda barmba dəb kəmee naŋg ndá yeḛ pana: Ǝi mbai, maji kari la səm ya kari!

2 Samel 22:27

Dəw gə́ àr ŋgad-ŋgad lé ndá I nja kara àr səa ŋgad-ŋgad ya ləm, Yeḛ gə́ njera némeeyèr lé kara I ra səa gə goo némeeyèr ləa ya ləm tɔ.

2 Sôrta Gḭka Israɛlje 20:26

Ndɔ gə́ njekɔm’g sɔ lé deḛ d’wa dɔ na̰ mee wəl-loo gə́ Beraka ndá lé neelé deḛ pidi Njesigənea̰ keneŋ. Gelee gə́ bèe ɓa deḛ ɓar ne ri loo neelé lə wəl-loo gə́ Beraka, ri gə́ to dəa’g saar teḛ mee ndɔ gə́ ɓogənè ya.

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 124:6

Maji kar dɔkaisəgərə nai gə Njesigənea̰, Yeḛ gə́ ya̰ sí gə́ nékwa ŋgaŋ dee el lé.

Pakɔsje 31:8

Mbɔl dɔ meenoji ləi ɓa M’a si ne dan rɔkal’g gə dan rɔlel’g ləm tɔ Mbata i oo ndòo koo ləm gao ləm, I gər néɓəŋgərəti ləm gao ləm tɔ.

Teḛ-Raga 18:10

Jetro pana: Maji kar dɔ Njesigənea̰ ai səgərə, yeḛ gə́ njekɔr sí ji njé gə́ Ejiptə’g ləm, gə ji Parao̰’g ləm tɔ, yeḛ gə́ njekɔr koso-dəwje ji njé gə́ Ejiptə’g lé.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.

1 Samel 24:18

Tɔɓəi yeḛ ula Dabid pana: I to njera né gə́ gə dɔ najee undam-ma mbata i ra səm meemaji nɛ ma ɓa m’ra səi némajel ya.

1 Samel 25:23

Loo gə́ Abigayil oo Dabid ndá yeḛ ḭ gə tɔgee dɔ mulayḛ̀je’g ləa ur naŋg unda barmba dəb kəmee naŋg no̰ Dabid’g.

1 Samel 26:8

Yen ŋga Abisai ula Dabid pana: Ɓogənè Ala ila njeba̰ ləi meḛ jii’g. M’ra ndòo rɔi’g, ya̰ loo am m’ɔsee gə ko̰-niŋga ya, m’a kɔsee ji kára ba ya kɔree naŋg ɓó m’a tel kɔsee ji joo el.