2 Samel 18:22 - Maktub gə́ To gə Kəmee

²² Ahimaas, ŋgolə Sadɔk dəji Joab tɔɓəi pana: Lé riri kara ya̰’m am m’aḭ m’aw goo dəw gə́ Etiopi’g lé. Joab tel dəjee pana: Ŋgonəm, see gelee ban ɓa i ndigi kaiŋgwɔd kaw ne wa. To ta gə́ i a kiŋga né gə́ maji keneŋ el.

2 Samel 18:22 ပူးပေါင်းရင်းမြစ်များ

2 Samel 18:21

Yen ŋga Joab ula dəw gə́ Etiopi kára pana: Aw ndá ula mbai né gə́ i oo lé. Dəw gə́ Etiopi neelé unda barmba no̰ Joab’g ɓa ḭ aḭ aw ɓəi.

2 Samel 18:23

Ahimaas pana: Lé riri kara ma m’ndigi kaiŋgwɔd kaw ya. Togə́bè Joab pana: Aḭ aw ya! Ahimaas aḭ gə rəw gə́ ndag-loo’g ndá yeḛ teḛ kédé no̰ dəw gə́ Etiopi’g lé.

2 Samel 18:29

Mbai lé dəjee pana: See ŋgon basa gə́ Absalɔm lé si gə́ majee ya wa. Ahimaas tel ilá keneŋ pana: Ma m’oo ndu njérɔje gə́ ra né u-u-u loo gə́ Joab ula kura lə mbai ləm, gə ma, kura ləi ləm tɔ nɛ ma m’gər né gə́ teḛ el.

1 Mbaije 11:22

Parao̰ dəjee pana: See ɗi ɓa lali rɔm’g nee ɓa i ndigi tel kaw ne ɓee ləi gə mbəa wa. Yeḛ ilá keneŋ pana: Né kára lalm el nɛ ya̰ loo am m’aw ya.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Epesə 5:4

Ta rɔkul ləm, gə sor mbə ləma, gə kəsta kula sul dɔ na̰’g ləm tɔ lé néje gə́ mina̰ togə́bè lé to kəm to̰ tamee pai el, nɛ ta ra Ala oiyo ɓa areeje teḛ ta sí’g.