2 Samel 18:2 - Maktub gə́ To gə Kəmee

² Yeḛ kai njérɔje lé loo munda ndá Joab ɓa to dəw dɔ dee-deḛ gə́ kudu kára ləm, kudu deḛ gə́ njekɔm’g joo lé Abisai, ŋgolə Seruja, ŋgoko̰ Joab ɓa gə́ dəw dɔ dee ləma, kudu deḛ gə́ njekɔm’g munda lé Itai, dəw gə́ Gat ɓa gə́ dəw dɔ dee ləm tɔ. Tɔɓəi mbai ula njérɔje lé pana: Ma nja kara m’ndigi kaw sə sí na̰’d ya tɔ.

2 Samel 18:2 ပူးပေါင်းရင်းမြစ်များ

2 Samel 17:11

Togə́bè né gə́ m’wɔji sí mba kar sí raje ɓa nee: to mba mbo̰ Israɛlje lai dɔ na̰’d rɔi’g un kudee Dan saar teḛ Beer-Seba ar bula lə dee to asəna gə nagəra gə́ ta baa-boo-kad’g bèe. I nja kara a kaw loo-rɔ’g tɔ.

2 Samel 21:17

Nɛ Abisai, ŋgolə Seruja ree la gə Dabid ndá yeḛ unda Pilisti lé tɔlee. Bèe ɓa njérɔje lə Dabid man ne rɔ dee bər-bər pana: I lé a teḛ kaw sə sí loo-rɔ’g gogo el ŋga mba kar pərndɔ lə Israɛl wəi ne el.

2 Samel 23:18

Abisai, ŋgoko̰ Joab gə́ to ŋgolə Seruja lé yeḛ to mbai dɔ bao-rɔje gə́ munda neelé. Yeḛ wa niŋga-ndəi ləa tar tɔl ne dəwje rɔ-munda, yee ɓa ria ɓar ne mbuna deḛ gə́ munda’g lé.

2 Samel 8:16

Joab, ŋgolə Seruja to ɓé-njérɔje, Josapat, ŋgolə Ahilud to njegɔl maktub ko̰ɓee,

1 Mbaije 2:28

Ta neelé oso mbi Joab’g, yeḛ gə́ un goo Adonija nɛ yeḛ aw goo Absalɔm’g kédé el lé. Yen ŋga Joab aḭ aw iya rəa mee kəi-kubu-si-Njesigənea̰’g ndá wa dɔ kum loo-nékinjaməs gə́ ḭta lé.

Pakɔsje 3:6

M’to naŋg m’toɓi Ɓa m’ndel dɔ ɓi’g ɓəi Mbata Njesigənea̰ ɓa to njegədm ya.

Njéga̰g-Rəwtaje 7:16

Njérɔje gə́ tɔl-munda (300) lé Gedeo̰ kai dee kudu munda ndá yeḛ ar dee to̰to̰je ji dee’g kel kel ləm, gə kulum manje gə́ mee dee to kari ba ləma, gə néndogóje gə́ to mee kulum manje’g ləm tɔ.

Njéga̰g-Rəwtaje 7:19

Gedeo̰ gə njérɔje gə́ tɔl (100) gə́ d’aw səa lé teḛ mbɔr loo-si dee’g dəb gə kàr-ŋgəm-loo gə́ to dan loo bab, to kàr gə́ ree d’ar njéŋgəmlooje taa ne tor na̰ lé. Deḛ d’im to̰to̰je lé ləm, deḛ kunda kulum manje gə́ to ji dee’g lé tɔ ləm tɔ.

Njéga̰g-Rəwtaje 9:43

Yeḛ ɔr njérɔje ləa kai dee kudu munda ar dee d’um dee rəw mee wala’g. Yeḛ oo to gə́ dəwje d’ḭ mee ɓee-boo’g teḛ raga ndá yeḛ ḭ ɔs dee rəw rɔ sə dee.

1 Samel 11:11

Bèlè lookàree Sawul kai boo-njérɔje loo munda. Deḛ d’ur dan loo-si Amo̰je’g kàr-ŋgəm-loo’d gə́ gə ndɔ ndá deḛ rɔ sə dee saar kàr ɔs keḭ-keḭ. Deḛ gə́ teḛ ta yoo’g lé sané na̰ kad-kad ɓó a koo dəwje joo ta na̰’d el.