2 Samel 18:18 - Maktub gə́ To gə Kəmee

¹⁸ Loo gə́ Absalɔm si ne kəmba ɓəi lé yeḛ ar dee d’un mbal d’unda gə́ nékolé-mee kəm wəl-loo gə́ ka̰ mbai’g lé, mbata yeḛ pana: Ma lé ŋgonəm gə́ diŋgam gə́ a kar meḛ dee olé ne dɔ rim’g lé godo. Ndá yeḛ unda ria-yeḛ ya dɔ nékolé-mee’g neelé ar dee ɓaree ne nékolé-mee lə Absalɔm saar teḛ ne ndəa gən.

2 Samel 18:18 ပူးပေါင်းရင်းမြစ်များ

Gḭ-Néje 11:4

Deḛ pa ya tɔɓəi pana: Ar sí n’raje ɓee-boo gə́ wɔji dɔ sí ləm, gə kəi gə́ ŋgal gə́ duu dɔ loo gə́ dəa ɔs dara ləm tɔ mba kar ri sí ɓar ne ləm, mba kar sí n’sanéje-na̰ dɔ naŋg nee gə loo lai el ləm tɔ.

Gḭ-Néje 11:9

Gelee gə́ nee ɓa deḛ ɓaree ne Babel mbata lé neelé ɓa Njesigənea̰ tel gwɔs dəwje lai gə́ dɔ naŋg nee lé ɓəd-ɓəd keneŋ ləm, lé neelé ɓa Njesigənea̰ sané dee ne dɔ naŋg nee gə looje lai ləm tɔ.

Gḭ-Néje 14:17

Loo gə́ Abram dum Kedorlaomer gə mbaije lai gə́ d’aw səa na̰’d ɓa tel ɓəi ndá mbai gə́ Sɔdɔm teḛ tila kəmee iŋgá kəm wəl-loo gə́ sabe gə́ ɓaree Wəl-loo lə mbai lé.

2 Samel 14:27

Absalɔm oji ŋganje gə́ diŋgam munda gə yeḛ gə́ dené kára tɔ. Yeḛ gə́ dené lé ria lə Tamar, yeḛ to ŋgoma̰də gə́ ma̰də yaa̰ tɔ.

Pakɔsje 109:13

Maji kar ginkaje ləa d’udu guduru ləm, Ri dee kara maji karee udu bo̰ mbuna ŋgakeaje gə́ d’a gə teḛ gogo ɓəi lé ləm tɔ.

Pakɔsje 49:11

Mbata d’a kée ya, njékəmkàrje d’wəi ləm, Mbə-dəw gə njegərnéel kara udu guduru ləm tɔ Ndá d’ya̰ némajije lə dee d’ar dəwje gə́ raŋg.

Esai 22:16

See ɗi ləi to loo gə́ nee’g wa. See dəw ləi to loo gə́ nee’g Ɓa i uru bwa-dɔɓar loo gə́ nee’g gə mbəa wa. Yeḛ uru bwa-dɔɓar dɔ loo gə́ tar ləm, Yeḛ sɔi loo-siée kaar mbal’g ləm tɔ.

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Bula lə Israɛlje 32:42

Nobah ɔr rɔ aw rɔ taa ne ɓee gə́ Kenat gə ɓee-booje gə́ gugu dəa sub ndá yeḛ unda ria lə Nobah gə goo ria-yeḛ tɔ.

1 Samel 15:12

Yeḛ ḭ gə ndɔ rad mba kaw kiŋga Sawul. Ndá deḛ ree d’ulá pana: Sawul aw Karmel ndá aa oo, yeḛ unda nékolé-mee dəa-yeḛ’g keneŋ tɔɓəi yeḛ tel ree ndá dəs aw gə́ kédé lam ɓa teḛ Gilgal ɓəi.