2 Samel 17:9 - Maktub gə́ To gə Kəmee

⁹ Aa oo, ɓasinè ya yeḛ iya rəa mee bwa’g əsé loo gə́ raŋg’d. Ɓó lé njé’g lə sí gə́ na̰je d’oso ji dee’g ndá dəw a ŋgina gə mba kulá taree el. Yee ɓa d’a pana: Koso-dəwje gə́ d’aw goo Absalɔm’g lé jeḛ n’tɔl deeje mba̰.

2 Samel 17:9 ပူးပေါင်းရင်းမြစ်များ

2 Samel 17:10

Bèe ɓa bao-rɔje gə́ to njésiŋgamoŋje lé lé meḛ dee to asəna gə mee toboḭ ya kara meḛ dee a gaŋg mán. Mbata Israɛlje lai gər to gə́ bɔbije to bao-rɔ ləm, deḛ gə́ d’aw səa kara to bao-rɔje ya ləm tɔ.

2 Samel 17:8

Tɔɓəi Usai pana: I gər bɔbije gə njérɔje ləa gao, deḛ to bao-rɔje gə́ ra oŋg yaa̰ asəna gə da-urs gə́ mee wala’d gə́ dəw wa ŋganeeje bèe. Bɔbije to njerɔ ndá yeḛ a to na̰’d gə koso-dəwje loondul’g nee el.

Jeremi 41:9

Nin dəwje gə́ Ismael tɔl dee mbɔr Gedalia’g lé yeḛ ɔm dee bwa-mán gə́ mbai Asa ur loo gə́ yeḛ ɓəl Baesa, mbai gə́ Israɛl lé, to mee bwa-mán’g neelé ɓa Ismael, ŋgolə Netania ɔm nin dee keneŋ aree rusu tub ya.

Jujé 7:5

Njé gə́ Ai tɔl dee as dəwje rɔ-munda-gir-dee-misa̰ jén bèe, deḛ tuba goo dee un kudee tarəwɓee’g saar teḛ Sebarim ndá deḛ tɔl dee loo-suru-ɗum gə́ naŋg’d lə dee. Dəwje neelé meḛ dee ila kas ar meḛ dee təd mán tɔ.

Jujé 8:6

D’a tuba goo sí saar loo gə́ j’a ndɔr dee kar dee d’iya̰ ɓee-boo neelé əw mbata d’a pana: Deḛ d’aḭ no̰ sí’g to gə́ d’aḭ ne no̰ sí’g kédé lé. Togə́bè ɓa j’a kaḭ no̰ dee’g bèe ya.

1 Samel 22:1

Dabid ḭ lée’g neelé aḭ aw iya rəa mee bolè mbal’d gə́ Adulam. Ŋgakea̰je gə njémeekəije lə bɔbeeje lai d’oo taree ndá d’ḭ d’aw d’iŋgá.

1 Samel 23:22

Awje ya, m’ra ndòo rɔ sí’g, maji kar sí dəjije taree gəd ooje gə mba gər loo gə́ yeḛ njaa keneŋ ləm, gə dəw gə́ ée keneŋ ləm tɔ mbata d’ulam pana: Yeḛ lé to njegoso gə́ yaa̰.

1 Samel 24:3

Sawul mbər goŋ-rɔje mbuna Israɛlje’g lai d’as tɔl-dɔg-loo-munda (3.000) aw saŋg ne Dabid gə njérɔje ləa saar teḛ ne dɔ biri mbalje gə́ to loo-kaar-bya̰je gə́ wala.