2 Samel 17:23 - Maktub gə́ To gə Kəmee

²³ Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 17:23 ပူးပေါင်းရင်းမြစ်များ

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 16:23

Takwɔji-kəmkàrje lə Ahitopel gə́ mee ndəa gən lé d’oo asəna gə ta gə́ d’aw dəji ne Ala bèe. Takwɔjije lə Ahitopel lé lé to mbata lə Dabid əsé to mbata lə Absalɔm kara d’oo togə́bè ya.

2 Samel 17:22

Yen ŋga Dabid gə koso-dəwje lai gə́ d’aw səa lé d’ḭ d’aw gaŋg baa gə́ Jurdɛ̰, loo gə́ loo àr gə ndɔ ndá dəw kára kara gə́ nai lal gaŋg baa gə́ Jurdɛ̰ lé godo.

1 Mbaije 16:18

Jimri oo to gə́ deḛ taa ɓee-boo lé mba̰ ndá yeḛ aw mee kəi-mbai’d gə́ wɔji dɔ mbai, tɔɓəi yeḛ nja ila pər dəa’g tɔ.

2 Mbaije 20:1

Mee ndəa’g neelé Ejekias oso gə rɔko̰ gə́ as yoo. Njetegginta Esai, ŋgolə Amots aw rəa’g aw ulá pana: Njesigənea̰ pa togə́bè pana: Maji kari un ndui ar njémeekəije ləi mbata i a gə kwəi ya ɓó a gə si kəmba el.

Maktub gə́ wɔji dɔ Jɔb 31:3

See tuji lé wɔji dɔ njemeeyèr el wa. See meeko̰ wɔji dɔ njera né kori-kori el wa.

Pakɔsje 109:20

Maji kar né neelé ɓa to né gə́ Njesigənea̰ ɓa a kuga ne dɔ ji njéba̰je ləm Deḛ gə́ pata meeyèr d’wɔji ne dɔm lé tɔ.

Pakɔsje 5:10

Mbata ta gə́ tɔgərɔ godo ta dee’g ləm, Néje gə́ yèr rusu meḛ dee tub-tub ləm, Rəw gwɔs dee to gə́ bwa-dɔɓar gə́ to tag ləma, D’ula ndo̰ dee gə kər dəwje ləm tɔ.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Gosota-Kəmkàrje 19:3

Néra mbə lə dəw lé ar rəw-kabee to ne kori-kori, Ar mée ḭ səa pu dɔ Njesigənea̰’g.

Esai 38:1

Mee ndəa’g neelé Ejekias oso gə rɔko̰ gə́ as yoo. Njetegginta Esai, ŋgolə Amots aw rəa’g ulá pana: Njesigənea̰ pa togə́bè pana: Un ndui ar njémeekəije ləi mbata i a gə kwəi ɓó a gə si kəmba el ŋga.

Matiyo 27:5

Yen ŋga Judas ula lar lé yag ɔm naŋg mee kəi-Ala’g, unda loo paar-paar teḛ aw ila kúla wəi.