2 Samel 17:22 - Maktub gə́ To gə Kəmee

²² Yen ŋga Dabid gə koso-dəwje lai gə́ d’aw səa lé d’ḭ d’aw gaŋg baa gə́ Jurdɛ̰, loo gə́ loo àr gə ndɔ ndá dəw kára kara gə́ nai lal gaŋg baa gə́ Jurdɛ̰ lé godo.

2 Samel 17:22 ပူးပေါင်းရင်းမြစ်များ

2 Samel 17:21

Loo gə́ deḛ d’aw mba̰ ndá Ahimaas gə Jonatan d’unda loo mee bwa-mán’g teḛ ndá d’aw d’ula mbai Dabid lé taree. Deḛ d’ulá pana: Ḭje tar ɔsje rɔ sí ɓad mba gaŋg mán mbata Ahitopel ula dee ta néje bèe-bèe wɔji ne dɔ sí.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 17:24

Dabid aw Mahanayim. Ndá Absalɔm gə njérɔje gə́ Israɛl lai gə́ d’aw səa lé gaŋg baa gə́ Jurdɛ̰.

Pakɔsje 42:6

See gelee ban ɓa ŋgaw məəm təd mán Am m’tuma̰ ne ŋgururu-ŋgururu wa. Maji karm m’ɔm məəm dɔ Ala’g lé Mbata m’a gə pidee ya ɓəi: Yeḛ lé to gin kaji ləm ləm, gə Ala ləm ya ləm tɔ.

Gosota-Kəmkàrje 27:12

Dəw gə́ unda kəmkàr dɔ rəa’g lé Oo né gə́ majel ndá iya rəa, Deḛ gə́ négər na meḛ dee tas lé D’ur keneŋ ndá bo̰ néra dee ɔs ta dee’g.

Bula lə Israɛlje 31:49

d’ulá pana: Jeḛ gə́ n’toje kuraje ləi lé n’turaje njérɔje gə́ d’isi gel sí’g ndá dəw kára kara dan sí’g nai raŋg el.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Tagə́maji gə́ Ja̰ ndang 18:9

Yeḛ pa togə́bè mba kar ta gə́ yeḛ pa kédé lé aw ne lée’g béréré mbata yeḛ pana: Deḛ gə́ i am dee lé m’ar dəw kára kara mbuna dee’g igi el.