2 Samel 17:14 - Maktub gə́ To gə Kəmee

¹⁴ Absalɔm gə Israɛlje lai pana: Takwɔji-kəmkàr lə Usai, dəw gə́ Arki lé ɓa maji unda takwɔji-kəmkàr lə Ahitopel. Nɛ Njesigənea̰ ɓa ra togə́bè mba tuji ne takwɔji kəmkàr lə Ahitopel gə mba kar némeeko̰ oso ne dɔ Absalɔm’g.

2 Samel 17:14 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 15:34

Nɛ né gə́ maji kəm ra lé, to mba kari tel aw ɓée ndá ula Absalɔm lé pana: Ǝi mbai m’a to kura ləi ya, kédé ndá ma m’to kura lə bɔbije, nɛ ɓasinè ma to kura ləi-i ya. Bèe ɓa i a kar takwɔji-kəmkàr lə Ahitopel lé tel to ne né gə́ kari ba ya.

2 Samel 16:23

Takwɔji-kəmkàrje lə Ahitopel gə́ mee ndəa gən lé d’oo asəna gə ta gə́ d’aw dəji ne Ala bèe. Takwɔjije lə Ahitopel lé lé to mbata lə Dabid əsé to mbata lə Absalɔm kara d’oo togə́bè ya.

2 Sôrta Gḭka Israɛlje 10:15

Togə́bè ɓa mbai oo ne ta lə dəwje el mbata Njesigənea̰ ɓa ra togə́bè mba kar ta gə́ yeḛ pa gə ndu Akija, dəw gə́ Silo aree ula Jeroboam, ŋgolə Nebat lé aw ne lée’g béréré ya.

2 Sôrta Gḭka Israɛlje 10:8

Nɛ Roboam uba takəmkàrje gə́ dəwje gə́ tɔg d’ulá lé ya̰ ndá yeḛ tel dəji basaje gə́ deḛ sə deeje tɔg na̰’d gə́ gugu dəa sub lé ɓa ta.

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

2 Sôrta Gḭka Israɛlje 25:20

Nɛ Amasia mbad koo ta ləa mbata Ala wɔji gə mba kya̰ dee kila dee ji njeba̰’g lə dee mbata deḛ saŋg goo magəje lə Edɔm lé tɔ.

Nehemi 4:15

Togə́bè ɓa jeḛ n’raje ne kula lé gə́ kédé-kédé ar ges sí gə́ na̰je d’aar gə niŋga-ndəije ji dee’g un kudee loo gə́ kàr uba bər ya saar-saar ar kéréméje teḛ tɔ.

Maktub gə́ wɔji dɔ Jɔb 12:17

Yeḛ aw gə njékəmkàrje ɓee-ɓər’g ləm, Yeḛ ar takə̰ji lə njégaŋ-rəwtaje tel to ta mbə ləm tɔ.

Pakɔsje 9:15

Gə mba karm m’ila mber rɔnduba ləi Tarəwkɔg’d lə koso-dəwje gə́ Jerusalem lé ləm, Gə m’al ne rɔm mbata gə kaji ləi ləm tɔ.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Teḛ-Raga 9:16

Nɛ neḛ n’ya̰ loo n’ari si kəmba gə mba kari oo siŋgamoŋ lə neḛ ləm, gə mba kar ri neḛ ɓar ne dɔ naŋg nee gə loo njal-njal ləm tɔ.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Amɔs 9:3

Ɓó lé d’iya rɔ dee dɔ sém mbal gə́ Karmel ndá N’a saŋg dee keneŋ kwa dee ya ləm, Lé d’aḭ d’iya rɔ dee kəm neḛ’g gin baa-boo-kad’g kara Lée neelé ɓa n’a kun ndu neḛ kar li to̰ dee keneŋ ya ləm tɔ.

Lugu 16:8

Loo gə́ ɓéeje oo goso lə njekaa dɔ néje ləa gə́ to majikoji el lé yeḛ ɔree ndəŋ ɔs ne gajee. Mbata ŋganje gə́ ɓasinè lé goso lə dee gə́ deḛ ra wɔji ne dɔ mar deeje lé dum ka̰ ŋgan lookàrje ya.

1 Njé gə́ Kɔrḭtə 3:19

Mbata kəmkàr gə́ dɔ naŋg nee to gə́ némbə kəm Ala’g lé to gə́ ndaŋg taree mee maktub’g pana: Yeḛ wa ta njékəmkàrje dɔ goso’g lə dee.

Tel tura Godndu 2:30

Nɛ Siho̰, mbai gə́ Esbon lé ndigi kya̰ loo kar sí n’dəsje mee ɓee’g ləa lé el, mbata Ala lə sí gə́ Njesigənea̰ ar ndilee ndəb yèr el ləm, ar mée ndər ləm tɔ gə mba kɔm dee ne ji sí’g to gə́ seḭ ooje ne ɓogənè bèe lé tɔ.

Jujé 11:20

Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ.