2 Samel 16:4 - Maktub gə́ To gə Kəmee

⁴ Mbai ula Siba pana: Aa oo, néje lai gə́ to ka̰ Mepiboset lé to kaḭ-i ya. Ndá Siba pana: Ma m’dəb kəm naŋg nɔḭ’g ya! Ǝi mbai ləm, maji kam m’taa kəmi rəgm ya!

2 Samel 16:4 ပူးပေါင်းရင်းမြစ်များ

2 Samel 14:22

Joab oso bəbərə unda barmba dəb kəmee naŋg ndá yeḛ pidi mbai lé. Tɔɓəi yeḛ pana: Ǝi mbai ləm, kura ləi gər ɓogənè to gə́ m’taa kəmi rəgm ya mbata mbai ra né gə goo ta gə́ kura ləa pa lé ya.

2 Samel 14:4

Dené gə́ Tekoa lé aw pata ar mbai lé. Yeḛ oso naŋg bəbərə unda barmba dəb kəmee naŋg ndá yeḛ pana: Ǝi mbai, maji kari la səm ya kari!

2 Samel 14:8

Mbai ula dené lé pana: Ɔd aw mee kəi’g ləi. M’a kun ndum kwɔji ne dɔi ɓəi.

2 Samel 16:3

Mbai lé dəjee pana: See ŋgolə ɓéije si ra wa. Siba tel ila mbai’g lé pana: Aa oo, yeḛ nai Jerusalem mbata yeḛ pana: Ɓogənè ya ginkoji Israɛlje d’a tel gə ɓeeko̰ lə bɔ neḛje kar neḛ.

2 Samel 16:5

Dabid ree saar ta ɓee gə́ Bahurim ndá, aa oo, dəw kára gə́ to gə́ ginkoji’g lə njémeekəije lə Sawul ria lə Simei, ŋgolə Gera unda loo mee ɓee’g teḛ. Yeḛ aw pər gə́ rɔ Dabid’g pa taje ila ne ndɔl dəa’g ləm,

2 Samel 19:27

Yeḛ tel ilá keneŋ pana: Ǝi mbai ləm, kura ləm ɓa ərm mbata ma kura ləi m’to njemədə ndá m’ulá m’pana: M’a kila kali gir ko̰-mulayḛ̀je’g mba kubá kaw ne gə mbai na̰’d.

2 Samel 9:6

Mepiboset, ŋgolə Jonatan gə́ to ŋgolə Sawul lé ree rɔ Dabid’g ndá yeḛ oso naŋg bəbərə unda barmba dəb kəmee naŋg nea̰’g. Dabid ɓaree pana: Mepiboset! Yeḛ ndigi təa’g pana: To ma kura ləi ya.

2 Samel 9:9

Mbai ɓar Siba, kura lə Sawul ndá ulá pana: Néje lai gə́ to ka̰ Sawul gə ka̰ njémeekəije ləa lai lé ma m’ar ŋgolə ɓéije.

Teḛ-Raga 23:8

Seḭ a taaje néndogo-gel el mbata néndogo-gel lé ar kəm njékəmkàrje lé tɔ ləm, tuji ta lə njéra né gə́ dɔ najee-je kari ba ləm tɔ.

Gosota-Kəmkàrje 18:13

Dəw gə́ ila ta’g ɓad ɓa oo ginee ɓəi lé Ra némbə ar rɔkul dəb ne dəa’g.

Gosota-Kəmkàrje 18:17

Yeḛ gə́ pata ləa kédé loo gaŋg rəwta’g lé D’oo gə́ ta gə́ tɔgərɔ, Nɛ yeḛ gə́ njeta ləa ree pa kea̰ ndá D’ur gelee maji tɔ.

Gosota-Kəmkàrje 19:2

Si lal gər goso né el lé To maji mbata lə dəw kára kara el, Yeḛ gə́ gɔlee unee pélé-pélé lé Aree oso dan kaiya’g tɔ.

Tel tura Godndu 19:15

Njekɔrgoota gə́ kára ba lé as mba kila ne ta dɔ dəw gə́ ra né kori-kori’g əsé kaiya gə́ ban-ban gə́ ra lé el ɓəi, né gə́ yeḛ ra lé njékɔrgootareeje d’a kaḭ joo əsé munda ɓa.