2 Samel 16:20 - Maktub gə́ To gə Kəmee

²⁰ Absalɔm dəji Ahitopel pana: Ar sí j’wɔji na̰ ta, see ɗi ɓa kəm kar sí n’raje wa.

2 Samel 16:20 ပူးပေါင်းရင်းမြစ်များ

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

2 Samel 16:19

Ta gə́ raŋg ya ɓəi, see na̰ ɓa m’a ra kula karee ɓəi wa. See m’a ra kula kar ŋgonee el wa. To gə́ m’ra kula m’ar bɔbije lé m’a ra kari-i togə́bè ya tɔ.

2 Samel 16:21

Ahitopel ula Absalɔm pana: Maji kari aw to gə gamla-denéje lə bɔbije gə́ yeḛ ya̰ dee ar dee d’isi mba ŋgəm kəi lé, togə́bè ɓa Israɛlje lai d’a koo to gə́ néraije lé ɓa ari tel to ne né gə́ to kḛji kəm bɔbije’g, yee ɓa deḛ lai gə́ d’aw səi lé ji dee a ɓar ne mèr-mèr ya.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Teḛ-Raga 1:10

Yen! ar sí n’ra deeje gə kəmkàree j’ɔg deeje loo koji na̰ gə́ kédé-kédé nà banelə ɓó lé rɔ a tɔ ndá d’a kɔm gel njéba̰je’g lə sí gə mba rɔ sə sí ləm, gə mba teḛ kya̰ ɓee gə́ nee lé ləm tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 29:15

Meeko̰ a koso dɔ deḛ Gə́ d’iya néje gə́ d’wɔji-kwɔji ra lé Mba kar Njesigənea̰ oo el, Néra deeje lé deḛ ra loondul’g Ndá deḛ pana: See na̰ ɓa oo neḛje wa. See na̰ ɓa gər neḛje wa.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Matiyo 27:1

Teḛ gə ndɔ rad ndá mbai dɔ njékinjanéməsje-je gə ŋgatɔgje lə dəwje d’wa dɔ na̰ d’ula ta meḛ na̰’d mba kar Jeju udu ne.