2 Samel 16:2 - Maktub gə́ To gə Kəmee

² Mbai dəji Siba pana: See ɗi ɓa i ndigi ra gə néje neelé wa. Siba tel ilá keneŋ pana: Mulayḛ̀je lé to mbata njémeekəije lə mbai ləm, pil muru gə kandə kagje gə́ naḭkuli to mba kar basaje d’usɔ ləma, mán-nduú to mba tɔl ne kunda lə dee gə́ d’a gə dao dɔdilaloo’g ləm tɔ.

2 Samel 16:2 ပူးပေါင်းရင်းမြစ်များ

Gḭ-Néje 21:29

Abimelek dəji Abrakam pana: Ma̰də badje gə́ siri gə́ i unda kəm dee ɓəd lé see ginee to ɗi wa.

Gḭ-Néje 33:8

Esawu dəjee pana: Néje lai gə́ m’iŋga dee rəbə lé see to mba ra ne ɗi wa. Jakob ilá keneŋ pana: To gə mba kam taa ne kəm mbai ləm rəgm ya.

2 Samel 15:1

Goo néje’g neelé Absalɔm iŋga pusu-rɔ kára ləm gə kundaje ləm gə dəwje rɔ-mi gə́ to njé k’aḭ nea̰’gje ləm tɔ.

2 Samel 15:23

Njéɓeeje lai neelé d’isi gə mán-no̰ kəm dee’g ləm, deḛ tur kii pénéné-pénéné ləm tɔ loo gə́ koso-dəwje lai neelé d’isi dəs lé. Mbai gaŋg mán-nia̰ gə́ Sedro̰ ndá koso-dəwje lai dəs gə rəw gə́ aw gə́ dɔdilaloo’g.

2 Samel 17:29

gə ubu tə̰ji ləm, gə ubu mbà maŋg ləm, gə badje ləma, gə mbà maŋg gə́ ɓi gəmsə ləm tɔ. Deḛ d’odo néje neelé d’aw ne d’ar Dabid gə koso-dəwje gə́ d’aw səa gə mba kar dee d’usɔ, mbata deḛ pana: Koso-dəwje neelé ɓó ula kəm dee ndòo ləm, deḛ dao ləma, kṵdaman tɔl dee dɔdilaloo’g ləm tɔ.

2 Samel 19:26

Loo gə́ yeḛ aar no̰ mbai’g mee ɓee gə́ Jerusalem lé ndá mbai dəjee pana: Mepiboset, see gelee ban ɓa i aw səm na̰’d el wa.

Ejekel 37:18

Loo gə́ ŋgalə koso-dəwje ləi d’a dəji pana: See a kɔr gel né neelé kar sí el wa.

Njéga̰g-Rəwtaje 10:4

Ŋganeeje gə́ diŋgam deḛ rɔ-munda, d’uba ŋgan mulayḛ̀je-je rɔ-munda ləm, ɓee-kogoje lə dee as rɔ-munda ləm tɔ, saar teḛ mee ndəa gən lé deḛ ɓar dee ɓee-booje lə Jayir gə́ to mee ɓee’d gə́ Galaad ya.

Njéga̰g-Rəwtaje 5:10

Seḭ gə́ ubaje ko̰-mulayḛ̀je-je gə́ ndá ləm, Gə seḭ gə́ nésije lə sí to kubuje gə́ lab naŋg ləma, Gə seḭ gə́ njaaje dan rəw’g ləm tɔ lé Ɔsje pa.

1 Samel 14:28

Yen ŋga dəw kára gə́ mbuna njérɔje’g un ta ulá pana: Bɔbije ar njérɔje manrɔ dee pana: Dəw gə́ rara ɓa gə́ sɔ né ɓogənè ndá maji kar ndɔl wa dəa ya! Gelee nee ɓa dəwje dao ne yaa̰ ya.

1 Samel 25:27

Mbai ləm, maji kari taa né gə́ kura ləi gə́ dené ree ne ari lé ləm, maji kar dee kai dəwje gə́ d’aw goo mbai’g ləm lé ləm tɔ.