2 Samel 16:16 - Maktub gə́ To gə Kəmee

¹⁶ Loo gə́ Usai, dəw gə́ Arki gə́ to baokura lə Dabid lé teḛ rɔ Absalɔm’g ndá yeḛ ulá pana: Maji kar mbai si kəmba ya! Maji kar mbai si kəmba ya.

2 Samel 16:16 ပူးပေါင်းရင်းမြစ်များ

2 Samel 15:32

Loo gə́ Dabid teḛ dɔ sém mbal’g loo gə́ d’aw d’unda barmba keneŋ no̰ Ala’g lé ndá aa oo, Usai, dəw gə́ Arki ree tila kəmee. Kubu ləa gə́ ŋgal lé til hao̰-hao̰ ləm, kor wa dəa lub-lub ləm tɔ.

2 Samel 15:34

Nɛ né gə́ maji kəm ra lé, to mba kari tel aw ɓée ndá ula Absalɔm lé pana: Ǝi mbai m’a to kura ləi ya, kédé ndá ma m’to kura lə bɔbije, nɛ ɓasinè ma to kura ləi-i ya. Bèe ɓa i a kar takwɔji-kəmkàr lə Ahitopel lé tel to ne né gə́ kari ba ya.

2 Samel 15:37

Bèe ɓa Usai baokura mar Dabid lé tel aw ne ɓee ya. Absalɔm kara andə mee ɓee gə́ Jerusalem tɔ.

1 Mbaije 1:25

Mbata yeḛ aw ɓogənè inja maŋgje ləm, gə bɔ maŋgje gə́ rɔ dee to ndəb-ndəb ləma, gə badje bula ləm tɔ gə́ nékinjanéməsje, tɔɓəi yeḛ ɓar ŋgalə mbai lai ləm, gə ɓé-njérɔje ləma, gə Abiatar, njekinjanéməs ləm tɔ. Ndá aa oo, deḛ d’usɔ gə d’ai nea̰’g, tɔɓəi deḛ pana: Maji kar dɔ mbai Adonija ai səgərə ya.

1 Mbaije 1:34

Lée neelé ɓa Sadɔk, njekinjanéməs ləm, gə Natan, njetegginta ləm tɔ, d’a kwa dəa gə ubu mba karee to mbai lə Israɛlje. Seḭ a kimje to̰to̰ tɔɓəi seḭ a pajena: Maji kar dɔ mbai Salomo̰ ai səgərə.

1 Mbaije 4:5

Ajaria, ŋgolə Natan to mbai dɔ njékaa dɔ néje, Jabud ŋgolə Natan, to njekaa dɔ ɓeeko̰ gə́ mbai undá dan kəmee’g,

2 Mbaije 11:12

Njekinjanéməs ar ŋgolə mbai aw no̰ dee’g kédé ndá yeḛ ula dɔgugu-mbai dəa’g ləm, aree maktub kɔrgoota lé ləm tɔ. Deḛ d’wa dəa gə ubu d’undá ne gə́ mbai, tɔɓəi deḛ d’unda ji dee pa ne pana: Maji kar dɔ mbai ai səgərə ya.

Loo gə́ killa rea kəm Daniel’g 2:4

Kaldeje d’ila mbai keneŋ gə takɔji Aramje pana: Ǝi mbai, maji kari sí gə ləbi-ləbi gə nɔḭ! Maji kari ula kuraje ləi ta ni ləi ɓa j’a kɔr ginee kari ɓəi.

Loo gə́ killa rea kəm Daniel’g 5:10

Dené lə mbai lé loo gə́ yeḛ oo taje gə́ mbai gə dəwje ləa gə́ boo-boo pa lé ndá yeḛ andə mee kəi-muru-gad’g un ta pa pana: Ǝi mbai, maji kari si gə ləbi-ləbi gə nɔḭ ya! Maji kar takə̰jije ləi d’ar məəi tila ŋgaḭla-ŋgaḭla el ləm, ar kəmi tel to ne ɓəd el ləm tɔ!

Loo gə́ killa rea kəm Daniel’g 6:21

Loo gə́ mbai lé ree pər gə́ ta bwa’g lé ndá yeḛ ɓar Daniel gə ndu gwɔb no̰ dəjee pana: Daniel, kura lə Ala gə́ Njesikəmba lé see Ala ləi gə́ i ra né aree gə meekai sam-sam lé taai ta toboḭje’g wa.

Loo gə́ killa rea kəm Daniel’g 6:6

Dəwje neelé pana: J’a kiŋga ta kára kara mba kila dɔ Daniel’g neelé el nɛ banelə ta gə́ wɔji dɔ godndu magə ləa ɓa.

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

1 Samel 10:24

Samel ula koso-dəwje lai pana: See ooje yeḛ gə́ Njesigənea̰ ɔree tɔr ne ndia dəa’g lé ya wa. Dəw kára kara mbuna koso-dəwje’g lai gə́ as səa lé godo. Yen ŋga koso-dəwje d’unda bula yi-i-i pana: Maji kar mbai lé si kəmba ya.