2 Samel 15:31 - Maktub gə́ To gə Kəmee

³¹ Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 15:31 ပူးပေါင်းရင်းမြစ်များ

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

2 Samel 16:23

Takwɔji-kəmkàrje lə Ahitopel gə́ mee ndəa gən lé d’oo asəna gə ta gə́ d’aw dəji ne Ala bèe. Takwɔjije lə Ahitopel lé lé to mbata lə Dabid əsé to mbata lə Absalɔm kara d’oo togə́bè ya.

2 Samel 17:14

Absalɔm gə Israɛlje lai pana: Takwɔji-kəmkàr lə Usai, dəw gə́ Arki lé ɓa maji unda takwɔji-kəmkàr lə Ahitopel. Nɛ Njesigənea̰ ɓa ra togə́bè mba tuji ne takwɔji kəmkàr lə Ahitopel gə mba kar némeeko̰ oso ne dɔ Absalɔm’g.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

2 Samel 17:5

Nɛ lé togə́bè kara Absalɔm pana: Ɓarje Usai, dəw gə́ Arki lé ya ɓəi ar sí j’ooje ta gə́ yeḛ a gə pa lé to ɓa.

2 Samel 17:7

Usai tel ila Absalɔm’g pana: Takwɔji-kəmkàr lə Ahitopel gə́ nee ɓa yḛ̀ to maji sur el.

Maktub gə́ wɔji dɔ Jɔb 5:12

Néje gə́ njégosoje d’wɔji kwɔji ra lé yeḛ tuji pugudugu Ar ji dee askəm ra née karee ɔr njal el.

Pakɔsje 109:3

Deḛ d’wam gə meḛ dee Təd ne taje ɓəd-ɓəd d’ɔm dɔm’g ləm, Deḛ d’undam ne ɓad lal ne né gə́ bèe ləm tɔ.

Pakɔsje 3:1

Pa lə Dabid loo gə́ yeḛ aḭ ne no̰ ŋgonee Absalɔm’g.

Pakɔsje 41:9

Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Pakɔsje 55:10

Mbaidɔmbaije, maji kari tuji tapa dee Tel ne ndu dee ɓəd-ɓəd! Mbata m’oo néra kərm-kərm gə ta kɔl na̰ Taa loo mee ɓee-boo’g pəl-pəl.

Pakɔsje 55:12

Meeyèr lé to dan mee ɓee’g dana bab ləm, Néŋgɔmje gə nésukəmlooje lé d’ya̰ lé bèe el ləm tɔ.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Tagə́maji gə́ Ja̰ ndang 13:18

Ta gə́ m’pa neelé m’pa m’wɔji ne dɔ sí lai el, deḛ gə́ ma m’ɔr dee lé m’gər dee gao. Nɛ lé riri kara maji kar ta nee gə́ to mee maktub gə́ to gə kəmee lé aw lée’g béréré ya gə goo taree gə́ pana: Yeḛ gə́ njeko̰ səm muru lé ya ɓa tel ɔr gɔlee ubam ne kən

1 Njé gə́ Kɔrḭtə 1:20

See njekəmkàr ɓa ra wa. See njendaji-maktub ɓa ra wa. See gɔŋgé-maḭta gə́ dɔ naŋg nee ɓasinè lé ɓa ra wa. See kəmkàr gə́ dɔ naŋg neelé Ala telee gə́ némbə el ɓəi wa.

Maktub gə́ Jak ula ne ar ngan-Allaje 3:15

Kəmkàr gə́ togə́bè lé to kəmkàr gə́ ḭ dara el. Yee to gə́ dɔ naŋg nee ləm, yee wɔji dɔ darɔ sí ləma, yee ḭ rɔ njekurai’g ləm tɔ.