2 Samel 15:30 - Maktub gə́ To gə Kəmee

³⁰ Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

2 Samel 15:30 ပူးပေါင်းရင်းမြစ်များ

2 Samel 15:29

Togə́bè ɓa Sadɔk gə Abiatar tel gə sa̰duk-manrɔ lə Ala d’aw ne Jerusalem gogo ndá deḛ nai ne keneŋ ya.

2 Samel 19:4

Mee ndəa gən ya njérɔje lé tel ree mee ɓee-boo’g gə goo ŋgəḭ asəna gə njérɔje gə́ rɔkul wa dɔ dee mbata kḭ gə́ d’ḭ loo-rɔ’g d’aḭ bèe.

2 Samel 19:5

Mbai lé on kəmee gə́ né ndá yeḛ ɔr ndia gə́ tar wəl pana: Ŋgonəm, Absalɔm! Absalɔm, ŋgonəm, ŋgonəm!

Este 6:12

Mardose tel aw tarəwkɔg’d lə mbai ndá Aman ɔd gə tɔgee aw kəi ləa gə kəmndoo ləm, yeḛ ila né dəa’g ləm tɔ.

Pakɔsje 42:3

M’aw ndòo Ala gə́ to Ala gə́ Njesikəmba lé Asəna gə dəw gə́ kṵdaman tɔlee bèe. See ndɔ gə́ ra ɓa m’a teḛ kaar no̰ Ala’g lé wa.

Pakɔsje 43:5

See gelee ban ɓa ŋgaw məəm təd mán Am m’tuma̰ ne ŋgururu-ŋgururu wa. Maji karm m’ɔm məəm dɔ Ala’g lé Mbata m’a gə pidee ya ɓəi, Yeḛ lé to gin kaji ləm ləm, gə Ala ləm ləm ya ləm tɔ.

Ejekel 24:17

Maji kari tuma̰ məəi’g ɓó wa ndòo yoo el ləm, ula jɔg dɔi’g ləm, ula né gɔli’g ləm, o̰ mbaitai gə né el ləma, o̰ muru lə njé gə́ raŋg el ləm tɔ.

Ejekel 24:23

jɔg lə sí a to dɔ sí’g ya ləm, négɔlje lə sí a to gɔl sí’g ya ləm, seḭ a kwaje ndòo yoo el ləma, seḭ a no̰je el ləm tɔ. Nɛ seḭ a kundaje ndolè mbata néra majelje lə sí ləm, seḭ a tuma̰je ŋgururu-ŋgururu mbuna na̰’g ləm tɔ.

Jakari 14:4

Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje Gə́ wɔji dɔ Jerusalem njoroŋ mbɔr loo gə́ bər’g, Mbal gə́ ria lə Mbal-Koiyoje lé A ta̰ dana par gə́ bər ləm, gə dɔ-gó ləm tɔ Ndá a tel to wəl-loo gə́ boo tɔ. Ges mbal lé a rəm gə gée par gə́ dɔgel ləm, Gesee a rəm gə gée par gə́ dɔkɔl ləm tɔ.

Matiyo 5:4

Deḛ gə́ d’isi dan kəmndooyoo’g lé rɔ dee lel dee, Mbata d’a gɔl meḛ dee ɓəi.

Lugu 19:29

Loo gə́ d’unda dɔ Betpage gə Betani gə́ wɔji dɔ mbal gə́ ria lə Koiyoje dəb ndá Jeju ɔr njékwakiláje joo ula dee pana:

Lugu 19:37

Tɔɓəi loo gə́ d’unda dɔ Jerusalem dəb par gə́ loo gə́ wɔji dɔ wəl mbal gə́ ria lə Koiyoje lé ndá boo-njékwakiláje d’al rɔ dee, pidi ne Ala gə ndu dee gə́ boi wəl-wəl mbata némɔrije lai gə́ deḛ d’oo gə kəm dee lé.

Lugu 19:41

Loo gə́ nai tḛ́ bèe gə mba kar dee teḛ mee ɓee’g lé ndá Jeju ila kəmee dɔ ɓee-boo’g neelé ndá no̰ gə mán kəmee dəa’g pana:

Lugu 21:37

Dan kàrá ndá Jeju ndoo dee ta mee kəi-Ala’g, nɛ loo gə́ loondul mba̰ ndá yeḛ tel aw to dɔ mbal gə́ ria lə Koiyoje lé.

Lugu 22:39

Loo gə́ yeḛ teḛ raga mba̰ ndá yeḛ ɔd aw dɔ mbal gə́ ria lə Koiyoje gə goo néra gə́ yeḛ ra ləw-ləw lé ndá njékwakiláje d’un rəw d’aw gée’g tɔ.

Néra Njékaḭkulaje 1:12

Yen ŋga deḛ d’ḭ dɔ mbal gə́ d’aar keneŋ ria lə Koiyoje lé d’ɔs tel d’aw Jerusalem, gə kuree rəgəsə ba bèe d’wɔji ne boa-loo-kaw gə́ ndɔ-kwa-rɔ’g.

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

1 Njé gə́ Kɔrḭtə 12:26

Ɓó lé né ra barkəmrɔ dəw gə́ kára ndá barkəmreaje lai lé rɔ dee adə dee mbag-mbag. Ɓó lé barkəmrɔ dəw gə́ kára nduba rəa ndá barkəmreaje lai nduba rɔ dee səa na̰’d bura tɔ.