2 Samel 15:27 - Maktub gə́ To gə Kəmee

²⁷ Mbai ula Sadɔk gə́ to njekinjanéməs lé tɔɓəi pana: See i oo ya wa. Maji kari tel gə meelɔm mee ɓee’g ar ŋgoni Ahimaas gə Jonatan, ŋgolə Abiatar ŋgan síje gə́ joo lé d’aw sə sí na̰’d.

2 Samel 15:27 ပူးပေါင်းရင်းမြစ်များ

2 Samel 15:34

Nɛ né gə́ maji kəm ra lé, to mba kari tel aw ɓée ndá ula Absalɔm lé pana: Ǝi mbai m’a to kura ləi ya, kédé ndá ma m’to kura lə bɔbije, nɛ ɓasinè ma to kura ləi-i ya. Bèe ɓa i a kar takwɔji-kəmkàr lə Ahitopel lé tel to ne né gə́ kari ba ya.

2 Samel 15:36

Deḛ neelé ŋgan deeje gə́ ri dee lə Ahimaas, ŋgolə Sadɔk gə Jonatan, ŋgolə Abiatar nai rɔ dee’g ndá d’a ree gə taree rɔm’g nee kam m’gər taje lai gə́ i oo lé.

2 Samel 17:17

Jonatan gə Ahimaas d’isi loo’d gə́ En-Rogel. Ŋgonjelookisi gə́ dené aw ula dee mba kar dee d’aw d’ula mbai Dabid lé taree, mbata deḛ lé d’askəm kar dəwje d’oo dee el ləm, əsé d’askəm kandə mee ɓee-boo’g el ləm tɔ.

2 Samel 18:19

Ahimaas, ŋgolə Sadɔk dəji Joab pana: Ya̰’m am m’aḭ m’aw m’ɔr sor né gə́ maji gə́ Njesigənea̰ ra ɔr ne kəm ta lə mbai gə goo rəbee ləm, ɔree ne ji njéba̰je’g ləa ləm tɔ.

2 Samel 24:11

Bèlè lookàree loo gə́ Dabid ḭ tar ndá ta lə Njesigənea̰ oso mbi Gad’d gə́ to njetegginta gə njenékoo lə Dabid pana:

1 Mbaije 1:42

Loo gə́ si pata bèe-bèe ndá Jonatan, ŋgolə Abiatar, njekinjanéməs lé ree. Ndá Adonija ulá pana: Maji kari gə́ ree gə́ rɔm’g nee mbata i to bao-rɔ ndá ta gə́ maji ɓa i ree ne ya.

1 Mbaije 4:15

Ahimas guburu ɓee lə Neptalije. Yeḛ lé taa Basmat, ŋgolə Salomo̰ gə́ dené ləa.

1 Sôrta Gḭka-Israɛlje 25:5

deḛ lai neelé to ŋgalə Heman gə́ to njetegginta lə mbai gə mba riba ne dɔ tapa lə Ala ləm, gə mba nduba ne siŋgamoŋ ləa ləm tɔ, Ala ar Heman oji ŋganje gə́ diŋgam dɔg-giree-sɔ ləm, gə njé gə́ dené munda ləm tɔ.

1 Sôrta Gḭka-Israɛlje 6:8

Asir oji Elkana, Elkana oji Ebiasap, Ebiasap oji Asir,

1 Samel 9:6

Kura lé tel ulá pana: Aa oo, dəw lə Ala kára si mee ɓee-boo’g nee. Yeḛ to dəw gə́ dəwje lai d’ila riɓar dəa’g. Ta néje lai gə́ yeḛ pa ndá néeje lé aw lée’g béréré-béréré ya. Ar sí j’awje keneŋ j’oo. Banelə yeḛ a tɔji sí rəw gə́ kəm kar sí j’unje ya.

1 Samel 9:9

Kédé gə́ ləw mee ɓee gə́ Israɛl lé loo gə́ dəw a gə kaw dəji Ala ta ndá deḛ pana: Reeje ar sí j’awje rɔ njenékoo’g! Mbata dəw gə́ ɓaree njetegginta ɓogənè lé kédé deḛ ɓaree njenékoo ya.