2 Samel 15:24 - Maktub gə́ To gə Kəmee

²⁴ Sadɔk kara aw sə dee na̰’d ar Ləbije lai gə́ d’odo sa̰duk-manrɔ lə Ala kara d’aw səa na̰’d tɔ. Deḛ d’unda sa̰duk-manrɔ lə Ala naŋg ndá Abiatar tuga loo aw aar tar saar loo gə́ koso-dəwje d’unda loo mee ɓee’g teḛ lai mba̰ ɓa tɔ.

2 Samel 15:24 ပူးပေါင်းရင်းမြစ်များ

2 Samel 15:27

Mbai ula Sadɔk gə́ to njekinjanéməs lé tɔɓəi pana: See i oo ya wa. Maji kari tel gə meelɔm mee ɓee’g ar ŋgoni Ahimaas gə Jonatan, ŋgolə Abiatar ŋgan síje gə́ joo lé d’aw sə sí na̰’d.

2 Samel 15:35

Sadɔk gə Abiatar, njékinjanéməsje lé d’a nai səi. Ndá taje lai gə́ wɔji dɔ kəi lə mbai gə́ i a koo lé i a kula Sadɔk gə Abiatar tɔ.

2 Samel 20:25

Seja to njendaji-maktub, Sadɔk gə Abiatar to njékinjanéməsje,

2 Samel 6:13

Loo gə́ njékun sa̰duk manrɔje lə Njesigənea̰ lé njaa gə kuree ɗegəse as gɔl dee gə́ tila misa̰ bèe ndá yeḛ ar dee d’inja bɔ maŋg ləm gə bɔ maŋg gə́ rəa to ndəb-ndəb ləm tɔ gə́ nékinjanéməsje.

2 Samel 8:17

Sadɔk, ŋgolə Ahitub gə Ahimelek, ŋgolə Abiatar, deḛ to njékinjanéməsje,

1 Mbaije 1:8

Nɛ Sadɔk, njekinjanéməs ləm, gə Benaja, ŋgolə Jeojoda ləm, gə Natan, njetegginta lə Ala ləm, gə Simei, gə Rei ləma, gə bao-rɔje lə Dabid ləm tɔ lé ndigi gə Adonija el.

1 Mbaije 2:26

Mbai lé ula Abiatar, njekinjanéməs tɔɓəi pana: Ɔd aw Anatot dɔ naŋgje’g ləi mbata i lé kəm kari wəi ya tɔ, nɛ m’a kari wəi ɓogənè el mbata i un sa̰duk-manrɔ lə Mbaidɔmbaije gə́ Njesigənea̰ no̰ bɔm Dabid’g ləm, nékəmndooje lai gə́ ra bɔm lé rai səa ləm tɔ.

1 Mbaije 2:35

Mbai unda Benaja, ŋgolə Jeojoda gə́ ɓé-njérɔje taa ne tor Joab ləm, yeḛ ar Sadɔk to njekinjanéməs tor Abiatar’g ləm tɔ.

1 Sôrta Gḭka-Israɛlje 15:2

Yen ŋga Dabid pana: Sa̰duk-manrɔ lə Ala to kəm kar Ləbije ba d’unee, mbata Njesigənea̰ mbər dee gə mba kar dee d’un sa̰duk-manrɔ lə Ala ləm, mba kar dee ra kula gə́ wɔji dəa saar gə no̰ ləm tɔ.

Ejekel 48:11

Dəb loo neelé a to ka̰ njékinjanéməsje gə́ d’unda dee gə kəmee gə́ to gel-bɔje lə Sadɔk gə́ d’aar njaŋg ra ne kula mee loo’g lə neḛ gə́ to gə kəmee ɓó deḛ d’uba Ala d’yá̰ mee ndəa gə́ Israɛlje d’ubá d’yá̰ bèe lé el.

Bula lə Israɛlje 4:15

Loo gə́ Aaro̰ gə ŋganeeje gə́ diŋgam d’a tɔl kula gə́ wɔji dɔ kɔm né lé dɔ loo’d gə́ to gə kəmee doi’g, gə dɔ nékulaje lai gə́ wɔji dɔ kəi-kubu-si-Ala bém tɔ ndá ŋgalə Keatje d’a ree loo gə́ d’a gə kḭ kaw keneŋ lé mba kodo dee, nɛ d’a kɔrɔ rɔ néje gə́ to gə kəmee neelé el nà d’a kwəi. Yee nee ɓa to kula gə́ wɔji dɔ njékodo néje gə́ d’ɔm ji ŋgalə Keatje’g mee kəi-kubu-kiŋga-na̰’g lé.

Bula lə Israɛlje 7:9

Nɛ ŋgalə Keat lé yeḛ ar dee né kára kara el mbata kula ra dee lé wɔji dɔ néje gə́ to gə kəmee gə́ deḛ d’a kodo gə dɔ dam dee ɓa.

Jujé 3:3

Tɔɓəi d’un ndu dee d’ar koso-dəwje lé pana: Loo gə́ seḭ a kooje sa̰duk-manrɔ lə Njesigənea̰, Ala lə sí gə́ njékinjanéməsje gə́ to Ləbije d’un d’aw ne ndá seḭ lé a kḭje loo-si sí’g njaaje korèje gée ya.

Jujé 3:6

Tɔɓəi Juje ula njékinjanéməsje pana: Unje sa̰duk-manrɔ neelé dəsje ne no̰ koso-dəwje’g. Ndá deḛ d’un sa̰duk-manrɔ neelé gaŋg ne rəw no̰ koso-dəwje’g ya tɔ.

Jujé 6:4

Njékinjanéməsje siri d’a kwa to̰to̰je siri gə́ ra gə gaji badə ji dee’g ɓa d’a njaa ne no̰ sa̰duk-manrɔ’g. Tɔɓəi ndɔ gə́ njekɔm’g siri lé ndá seḭ a njaaje guguje dɔ ɓee lé as gɔl siri tɔ. Ndá njékinjanéməsje lé d’a kim to̰to̰je lé tɔ.

Jujé 6:6

Juje gə́ to ŋgolə Nun ɓar njékinjanéməsje ula dee pana: Unje sa̰duk-manrɔ lé ndá maji kar njékinjanéməsje siri d’wa to̰to̰ gaji badje ji dee’g mba njaa ne no̰ sa̰duk-manrɔ’g lə Njesigənea̰ lé.

1 Samel 22:20

Ŋgolə Ahimelek, yeḛ gə́ to ŋgolə Ahitub kára teḛ aḭ. Yeḛ lé ria lə Abiatar. Yeḛ aḭ aw rɔ Dabid’g.

1 Samel 4:11

Pilistije lé taa sa̰duk-manrɔ lə Ala ləm, Opni gə Pines, ŋgalə Eli gə́ joo lé kara d’wəi ləm tɔ.