2 Samel 15:21 - Maktub gə́ To gə Kəmee

²¹ Itai tel ila mbai’g lé pana: Njesigənea̰ to njesikəmba ləm, mbai ləm gə́ to mbai lé si kəmba ya ləm tɔ! Loo gə́ mbai ləm a si keneŋ lé lé to mba kwəi əsé mba si kəmba kara lé neelé ya ɓa kura ləi a si səi keneŋ tɔ.

2 Samel 15:21 ပူးပေါင်းရင်းမြစ်များ

2 Samel 15:22

Dabid ula Itai pana: Maji, dəs aw ya! Bèe ɓa Itai, dəw gə́ Gat lé dəs gə koso-dəwje ləa lai ləm, gə ŋganje lai gə́ d’aw səa na̰’d ləm tɔ.

2 Mbaije 2:2

Eli ula Elije pana: Aar loo gə́ nee’g, mbata Njesigənea̰ ulam njal gə́ Betel ɓəi. Elije tel ilá keneŋ pana: Njesigənea̰ to Njesikəmba ləm, i kara si kəmba ya ləm tɔ ndá, m’a kubai kya̰’i nda̰ el. Bèe ɓa deḛ d’aw na̰’d Betel tɔ.

2 Mbaije 2:4

Eli ula Elije pana: M’ra ndòo rɔi’g mba kari nai loo gə́ nee’g mbata Njesigənea̰ ulam gə́ Jeriko ɓəi. Yeḛ tel ilá keneŋ pana: Njesigənea̰ to Njesikəmba ləm, i kara si kəmba ya ləm tɔ ndá, m’a kubai kya̰’i nda̰ el. Bèe ɓa deḛ d’aw na̰’d Jeriko tɔ.

2 Mbaije 2:6

Eli ulá pana: M’ra ndòo rɔi’g gə mba kari nai loo gə́ nee’g mbata Njesigənea̰ ulam gə́ baa gə́ Jurdɛ̰ ɓəi. Yeḛ ilá keneŋ pana: Njesigənea̰ to Njesikəmba ləm, i kara si kəmba ləm tɔ ndá, m’a kubai kya̰’i nda̰ el. Bèe ɓa deḛ joo bɔr d’un rəw na̰’d d’aw ya.

2 Mbaije 4:30

Ko̰ ŋgonje lé pana: Njesigənea̰ to Njesikəmba ləm, i kara si kəmba ləm tɔ, m’a kubai kya̰’i el! Ndá Elije ḭ un rəw gée’g tɔ.

Gosota-Kəmkàrje 17:17

Baokura ləi gə́ gəd lé ndigii gə ndɔje lai ya, Nɛ ŋgokɔḭ lé d’ojee gə mba ndɔ némeekonje ləi ya.

Gosota-Kəmkàrje 18:24

Dəw gə́ baokuraje ləa bula lé Tel to némeeko̰ ləa, Nɛ baokura gə́ ɔm səi na̰’d sad lé Unda ŋgokɔḭ tɔ.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

2 Njé gə́ Kɔrḭtə 7:3

Ma m’pa togə́bè mba kila ne ta dɔ sí’g el, mbata ma m’ula sí mba̰, meḛ sí to na̰’d kára ba loo kaw kəmba’g ləm, gə loo kwəi’g ləm tɔ.

1 Samel 20:3

Dabid pa ya tɔɓəi gə rɔkubu pana: Bɔbije gər gao to gə́ ma m’taa kəmi rəgm ndá yeḛ a pana: Maji kar dee d’ar Jonatan oo el nà a kar mée ea̰. Nɛ to gə́ Njesigənea̰ si kəmba ləm, i ya kara si kəmba ya ləm tɔ ndá ma kulai to gə́ ta yoom nai tebdé ba bèe ya.

1 Samel 25:26

Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.