2 Samel 15:10 - Maktub gə́ To gə Kəmee

¹⁰ Absalɔm ula njétənlooje mbuna ginkoji Israɛlje’g lai mba kar dee d’ula dee pana: Loo gə́ seḭ a kooje ndu to̰to̰ gə́ ɓar ndá seḭ a pajena: Absalɔm o̰ ɓee mee ɓee gə́ Ebro̰’g.

2 Samel 15:10 ပူးပေါင်းရင်းမြစ်များ

2 Samel 13:28

Absalɔm un ndia ar kuraje ləa pana: Ooje maji, loo gə́ kido tɔl Amno̰ ar rəa lelee aree aw al rəa mbata kido ɓa m’a kula si pana: Tɔlje Amno̰! Ndá tɔleeje ya ɓó ɓəlje el, see to ma ɓa gə́ njekun ndum kar sí el wa. Aarje njaŋg ɓó gə waje diŋgam meḛ sí’g to!

2 Samel 14:30

Yen ŋga Absalɔm ula kuraje ləa pana: Aa ooje, ndɔ lə Joab to mbɔr kama’g. Ko-ɔrj to keneŋ. Awje aw ilaje pər keneŋ. Ndá kuraje lə Absalɔm d’aw d’ila pər ndɔ’g lé ya tɔ.

2 Samel 15:9

Mbai lé tel ulá pana: Aw gə meekulɔm. Bèe ɓa Absalɔm ḭ aw ne Ebro̰.

2 Samel 19:10

Yen ŋga mbuna ginkoji Israɛlje’g lai lé koso-dəwje maḭ na̰ ta pana: Mbai gə́ to njetaa sí ji njéba̰je’g lə sí kɔm sí tar ləm, yeḛ nja aji sí ji Pilistije’g ləm tɔ, nɛ ɓasinè yeḛ ḭ mee ɓee’g aḭ no̰ Absalɔm’g.

2 Samel 2:1

Gée’g gogo, Dabid dəji Njesigənea̰ pana: See m’a kaw mee ɓee gə́ kára mbuna ɓee-booje gə́ Juda wa. Njesigənea̰ ilá keneŋ pana: Aw! Dabid tel dəjee pana: See ɓee gə́ ra ɓa m’a kaw keneŋ wa. Ndá Njesigənea̰ tel ilá keneŋ pana: Aw Ebro̰.

2 Samel 2:11

Ndɔje gə́ Dabid o̰ ne ɓee dɔ Judaje’g mee ɓee gə́ Ebro̰ lé to ləb siri gə naḭ misa̰.

2 Samel 5:5

Yeḛ si Ebro̰ o̰ ɓee dɔ Judaje’g as ləb siri gə naḭ misa̰ ləm, yeḛ si Jerusalem o̰ ɓee dɔ Israɛlje’g gə dɔ Judaje as ləb rɔ-munda-giree-munda ləm tɔ.

1 Mbaije 1:11

Yen ŋga Natan ula Bat-Seba gə́ to ko̰ Salomo̰je lé pana: Adonija, ŋgolə Agit tel to mbai lal kar mbai ləm Dabid gər lé see i oo taree el wa.

1 Mbaije 1:34

Lée neelé ɓa Sadɔk, njekinjanéməs ləm, gə Natan, njetegginta ləm tɔ, d’a kwa dəa gə ubu mba karee to mbai lə Israɛlje. Seḭ a kimje to̰to̰ tɔɓəi seḭ a pajena: Maji kar dɔ mbai Salomo̰ ai səgərə.

2 Mbaije 9:13

Léegəneeya d’ar nana kara odo kubuje ləa ree mbalè gel Jehu’g dɔ sém loo-tuga-ɗao-ɗao gə́ tar’g, dee d’im to̰to̰ ndá dee pana: Jehu lé to mbai!

1 Sôrta Gḭka-Israɛlje 11:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá Dabid man rəa ar dee mee ɓee gə́ Ebro̰ no̰ Njesigənea̰’g lé. Deḛ d’wa dɔ Dabid gə ubu d’aree to mbai gə́ Israɛl gə goo ta gə́ Njesigənea̰ ar Samel pa lé.

1 Sôrta Gḭka-Israɛlje 12:23

Gə ndɔje kára-kára lai lé dəwje ree rɔ Dabid’g gə mba la səa saar ar loo-si njérɔje lé ḭ dɔ maree’g asəna gə loo-si bao-rɔje lə Ala bèe ya.

1 Sôrta Gḭka-Israɛlje 12:38

Kel tura-baa gə́ Jurdɛ̰ nu lé deḛ gə́ to Rubḛje gə Gadje gə ges ginkoji Manasəje d’as tɔl-dɔg-loo-tɔl gə dəa rɔ-joo gə́ d’wa nérɔje ɓəd-ɓəd ji dee’g.