2 Samel 14:7 - Maktub gə́ To gə Kəmee

⁷ Tɔɓəi aa oo, njénojije ləm lai d’ḭ d’oma̰ gə kura ləi gə́ dené pana: Maji kam m’ya̰ njetɔl ŋgokea̰ lé m’ar neḛje. Neḛ ndigi tɔleeje mbata lə ŋgokea̰ gə́ yeḛ tɔlee lé tɔ, neḛ ndigi tujije njenénduba ya. Yee ɓa d’a gə ra mba tɔl kɔr pər ləm gə́ nai ləm, deḛ ndigi kar ri ŋgabmje əsé ri ŋgon məəm godo dɔ naŋg nee ləm tɔ.

2 Samel 14:7 ပူးပေါင်းရင်းမြစ်များ

Gḭ-Néje 27:45

saar kar meeko̰ ləa tel dɔi’g gə́ raŋg ndá ar mée wəi dɔ né gə́ i ra səa’g lé ɓa. Bèe ɓa m’a ɓari kari tel ree gogo ɓəi. See ban ɓa seḭ a godoje rɔm’g joo bɔr mee ndɔ gə́ kára ba’g ya bèe wa.

Gḭ-Néje 4:14

Aa oo, ɓogənè i tubam dɔ naŋg nee. I a k’un kəmi rəw dɔm’g ləm, m’a to njekaḭta ləma, gə njekilatar mbir-mbir dɔ naŋg nee ləm tɔ. Bèe ɓa nana ɓa gə́ a kiŋgam lé a tɔlm ya.

2 Samel 12:17

Njé gə́ tɔgje gə́ mee kəi’g ləa d’ɔsee ɓɔḭ-ɓɔḭ mba karee ḭta nɛ yeḛ ndigi sə dee el ləm, yeḛ sɔ sə dee né el ləm tɔ.

2 Samel 14:6

Kura ləi gə́ dené lé ŋganeeje gə́ diŋgam deḛ joo. Deḛ joo lé kɔl na̰ mee ndɔ’g ndá dəw gə́ njekaḭ dee naa godo, ar yeḛ gə́ kára unda maree tɔlee.

2 Samel 14:8

Mbai ula dené lé pana: Ɔd aw mee kəi’g ləi. M’a kun ndum kwɔji ne dɔi ɓəi.

Bula lə Israɛlje 35:19

Njedalba̰ lé ɓa a tɔl dəw gə́ njetɔl maree lé, loo gə́ yeḛ a kiŋgá ndá yeḛ nja ɓa a tɔlee tɔ.

Matiyo 21:38

Loo gə́ njéndɔ-nduúje neelé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ya ŋga sí aw gə́ nee to ŋga. Reeje ɓó gə ar sí n’tɔleeje, j’ya̰je loo n’taaje ne nénduba ləa.

Tel tura Godndu 25:6

Ŋgondəree gə́ yeḛ a koji səa lé d’a kunda ri ŋgokea̰ gə́ wəi lé ɓa dəa’g karee taa toree gə mba kar ria udu mbuna Israɛlje’g el.