2 Samel 14:26 - Maktub gə́ To gə Kəmee

²⁶ Loo gə́ yeḛ ndisa dəa ndá kwɔi lə yiŋga dəa gə́ yeḛ ndisa lé al dɔ nékwɔji kwɔi-lə-né joo gə goo nékwɔji né lə mbai lé. Mbata mee ləb kára ndá yeḛ ndisa dəa gɔl kára-kára mbata yiŋga dəa lé wɔiee yaa̰.

2 Samel 14:26 ပူးပေါင်းရင်းမြစ်များ

Gḭ-Néje 23:16

Abrakam oo ta lə Epro̰ maji. Ndá Abrakam wɔji larnda ar Epro̰ to gə́ yeḛ ulá lé kəm ŋgalə Het’g ndá to larnda tɔl-sɔ (400) gə goo kwɔji lar lə njékṵda néndogoje gə́ mee ndəa’g neelé.

2 Samel 18:9

Absalɔm teḛ mbuna njé’g lə Dabid. Yeḛ uba kunda-mulayḛ̀je ləa. Kunda-mulayḛ̀je ləa aw andə səa mbuna kag’d gə́ boi gə́ ria lə térébḭtə ndá yiŋga dɔ Absalɔm kə́ barkəm kag’d lé aree na ne tar rḭdoŋ ndá kunda-mulayḛ̀je ləa lé teḛ gelee’g njal aw yá̰.

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Ejekel 44:20

D’a ndisa dɔ dee ŋgori-ŋgori el ləm, d’a kya̰ yiŋga dɔ dee karee ŋgal pɔ-pɔ el ləm tɔ, nɛ d’a kinja yiŋga dɔ dee gə́ kinja.

Ləbije 19:36

Seḭ a kilaje né gə́ gə goo rəbee ɓa dɔ némbwɔji-né’g ləm, dɔ néje’g lə sí gə́ wɔi ləma, dɔ nduji gə mán’g lə sí ləm tɔ. Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje lé ya.

1 Njé gə́ Kɔrḭtə 11:14

See néje gə́ naŋg nee tɔji sí rəbee el wa. Diŋgam gə́ ul yiŋga dəa aree ŋgal pɔ-pɔ ndá see to rɔkul el wa.