2 Samel 14:25 - Maktub gə́ To gə Kəmee

²⁵ Mbuna Israɛlje’g lai lé dəw gə́ ria ɓar ur dɔ Absalɔm’g mbata kura gə́ yeḛ kura yaa̰ lé godo, un ŋgira gɔlee’g naŋg saar teḛ dəa’g tar lé rəa ya̰ maree kára kara el.

2 Samel 14:25 ပူးပေါင်းရင်းမြစ်များ

1 Mbaije 1:6

Gə kasee ba lé bɔbeeje ḭ səa dɔ nérea’g ndɔ kára kara el ləm, yeḛ ulá pana: See ban ɓa i ra né togə́bè wa kara el ləm tɔ. Adonija lé kura diŋgam yaa̰, tɔɓəi d’ojee yeḛ goo Absalɔm’g ɓəi tɔ.

Maktub gə́ wɔji dɔ Jɔb 2:7

Yen ŋga Njekurai ɔd no̰ Njesigənea̰’g aw. Tɔɓəi yeḛ ar rɔ Jɔb pélé ḭ gɔlee’g naŋg saar teḛ dəa’g tar.

Gosota-Kəmkàrje 31:30

Ra meemaji mba taa ne kəm dəw lé To né su kəm loo ləm, Ma̰də gə́ darɔ’g lé kara To né gə́ a dəs ɓəi ləm tɔ, Nɛ dené gə́ ɓəl Njesigənea̰ ɓa d’a pidee.

Esai 1:6

Un ŋgira gɔl sí’g naŋg saar Teḛ dɔ sí’g tar lé Né kára gə́ maji godo keneŋ, To gə́ doo ya bura ləm, Gə doo gə́ dɔ mundu ləma, Gə doo yii ləm tɔ Gə́ lal kɔm mán keneŋ ləm, Gə lal tɔ ləma, Gə lal kunda ubu təa’g karee kul lɔm ləm tɔ.

Ejekel 23:15

gə ndarje reŋ dee’g ləm, gə kubu gə́ ndaŋg mèr gə́ ɓiri dɔ dee’g ləm, deḛ lai d’unda rɔkunda lə mbaije ləma, kəm dee to tana gə kəm Babilɔnje gə́ ɓee gə́ Kalde to gə́ ɓee-koji dee lé ləm tɔ.

Loo gə́ killa rea kəm Daniel’g 1:4

basaje gə́ dəb rɔ dee ya̰ maree el ləm, kəm dee turu sia̰-sia̰ ləm, to njékəmkàrje gə njégosonégərje ləm, deḛ gə́ ndoo né gər yaa̰ ləma, deḛ gə́ d’askəm ra kula mee kəi-mbai’g lə mbai ləm tɔ ndá d’a ndoo dee gosonégər gə takɔji lə Kaldeje.

Matiyo 23:27

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ toje asəna gə dɔɓarje gə́ ra né keneŋ d’ar dee nda kələw-kələw d’ar dee to ne né gə́ maji bèlm’g raga, nɛ meḛ dee gə́ kəi ndá siŋgaje gə néje gə́ ram ɓa rusu njḭ-njḭ.

Njé gə́ Epesə 5:27

mba kar Eglisə lé nduba ne rəa nea̰’g, kar rəa ila ɓal el ləm, ɔm kúla el ləma, a kya̰ maree el ləm tɔ, nɛ yee a kàr raŋg-raŋg ləm, né gə́ tḛ́-tḛ́ bèe kara a kuba rəa təb el ləm tɔ.

Tel tura Godndu 28:35

Njesigənea̰ a kunda no̰ kəji sí gə bḭgi sí gə bairaŋ-ndɔ gə́ seḭ a kasjekəm kajije ne el, yeḛ a kunda sí, un kudee dabla gɔl sí’g saar teḛ ne da̰gəra dɔ sí’g tar.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.

1 Samel 9:2

Yeḛ lé ŋgonee gə́ diŋgam kára si keneŋ’n ria lə Sawul. Yeḛ to basa gə́ kura ləm, kura ur dɔ Israɛlje’g lai ləma, yeḛ ŋgal yaa̰ ar dəa unda deḛ lai ləm tɔ.