2 Samel 14:14 - Maktub gə́ To gə Kəmee

¹⁴ Lé riri kara j’a kwəi gə́ kwəi ya ndá j’a to kasəna gə mán gə́ ula naŋg gə́ askəm tel mbo̰ na̰ gogo el. Ala ɔr kəmə lə dəw el nɛ yeḛ ndigi mba kar njekaḭ lé si əw kəmee’g loo-kaḭ’g ləa el.

2 Samel 14:14 ပူးပေါင်းရင်းမြစ်များ

2 Samel 11:25

Dabid ula njekaḭkula lé pana: Aa oo, ta gə́ i a kula Joab ɓa nee: Maji kar mée ea̰ mbata né neelé el mbata kiambas lé tuji dəwje gə́ yo gə́ nee. Maji karee wa rəa kɔgərɔ rɔ ɓee-boo neelé mba tujee ya. Nɛ i lé maji kari ula diŋgam mée’g ɓa.

2 Samel 14:15

Ɓasinè ɓó lé ma m’ree m’pata néje neelé m’ar mbai ləm ndá to mbata dəwje d’ɔm ɓəl dɔm’g. Togə́bè ɓa kura ləi gə́ dené pana: Ma m’ndigi kula mbai taree. Banelə mbai a ra né gə́ kura ləa gə́ dené pa lé ya.

1 Mbaije 11:39

Yee nee ɓa m’a kar ŋgaka Dabid d’ula ne dɔ dee nɛ a to saar-saar gə no̰ el.

Maktub gə́ wɔji dɔ Jɔb 14:14

Dəw gə́ wəi lé see a tel si kəmba wa. M’a kunda məəm yel m’ŋgina ne mee ndɔje lai gə́ m’oo ko̰-né keneŋ Saar kar né gə́ wɔji dɔm lé teḛ.

Maktub gə́ wɔji dɔ Jɔb 30:23

Mbata ma m’gər gao i unm aw səm loo-yoo’g Loo-kiŋga-na̰ gə́ wɔji dɔ deḛ lai gə́ d’isi kəmba!

Maktub gə́ wɔji dɔ Jɔb 34:15

Dəwje lai d’a kudu gə́ léegəneeya ləm, Dəw a tel kaw naŋg gogo ləm tɔ.

Maktub gə́ wɔji dɔ Jɔb 34:19

Yeḛ ɔr kəm ŋgan-mbaije unda dee ɓəd ləm, Yeḛ oo bao to gə́ ur dɔ njendoo’g el ləm tɔ, Mbata deḛ lai to néje gə́ jia ɓa ra dee.

Pakɔsje 22:14

Deḛ teḛ ta dee ləgəgə-ləgəgə dɔm’g To gə́ toboḭ gə́ wa da inja miḭ dɔ’g hər-hər bèe.

Pakɔsje 22:15

Ma m’yəb yəb-yəb ləm, Siŋgarɔmje lai tɔr to tar yɔg-yɔg ləma, Ɓə̰gərəm léḛ məəm’g to gə́ ya̰-tə̰ji gə́ léḛ sələlə-sələlə bèe ləm tɔ.

Pakɔsje 58:7

Ǝi Ala, maji kari guru ŋgaŋ dee ləm, Njesigənea̰, maji kari tɔr ka ta dee Gə́ to asəna gə ka̰ ŋgan toboḭje bèe lé ɓɔgədɔ-ɓɔgədɔ ləm tɔ.

Pakɔsje 77:8

See Mbaidɔmbaije a kɔs sí rəw saar gə no̰ ya wa. See yeḛ a tel kila kəm sí toro’g el ŋga wa.

Pakɔsje 79:3

Deḛ d’ɔm məs dee naŋg asəna gə mán bèe ya Gugu ne dɔ ɓee gə́ Jerusalem lé sub Ar dəw kára bèe gə́ njedubu dee godo.

Pakɔsje 90:10

Ləb si kəmba lə sí lé aḭ rɔ-siri ba, Nɛ njé gə́ na̰je gə́ siŋga dee to yaa̰ lé Ləb si kəmba lə dee a kaḭ rɔ-jinaijoo, Nɛ to gə́ deḛ ti ne rɔ dee lé Tel to meeko̰ gə kəmndoo gə́ ra dee ya ɓəi. Kur sí a kəw el ya ndá j’a kḭ kawje.

Pakɔsje 90:3

I ar dəwje tel to nduji naŋg ndá ula dee pana: Seḭ dəwje lé telje gə́ loo-kḭ sí’g.

Teḛ-Raga 21:13

Ɓó lé yeḛ umee kédé el nɛ Ala ɓa aree oso meḛ jia’g ndá m’a gɔl loo gə́ yeḛ a kaskəm kaḭ kaw kula dəa keneŋ.

Njekillamber 9:5

Tɔgərɔ ya, deḛ lai gə́ d’isi kəmba lé Gər gao to gə́ d’a gə kwəi ya. Nɛ deḛ gə́ d’wəi mba̰ lé Gər né kára el ləm, Nékoga-dɔ-ji dee kara godo ŋga ləm tɔ Mbata meḛ dəwje wəi dɔ dee’g mba̰.

Nɔ̰-ndôo gə́ wɔji dɔ Jerusalem 3:31

Mbata Njesigənea̰ lé A kuba dəw kyá̰ gə no̰ el.

Ejekel 18:23

Kar njemeeyèr wəi lé see to né gə́ wa mee neḛ wa. Mbaidɔmbaije gə́ Njesigənea̰ dəji bèe. See karee tel panjaa ləa raŋg si ne kəmba ɓa gə́ né gə́ wa mee neḛ el wa.

Ləbije 26:40

Nɛ d’a teggin néra kori-korije lə dee-deḛ gə ka̰ bɔ deeje-je gə́ raga ləm, gə kuba gə́ d’ubam d’ya̰’m lé ləma, gə kɔs gə́ deḛ d’ɔsm rəw lé ləm tɔ,

Bula lə Israɛlje 35:15

Ɓee-booje gə́ misa̰ neelé d’a to njo̰looje mbata lə Israɛlje ləm, gə mbata lə dəw-dɔ-ɓee gə́ si mbuna sí’g ləm tɔ, lé neelé dəw gə́ rara gə́ tɔl dəw to gə́ yeḛ wɔji mée’g kédé el ndá a kaḭ kaw keneŋ ya.

Bula lə Israɛlje 35:25

Boo-dəwje d’a kɔr njetɔl-dəw lé ji njedalba̰’g kilá tar, tɔɓəi d’a karee tel aw mee ɓee-boo gə́ to njo̰loo gə́ yeḛ aḭ aw keneŋ lé tɔ ndá, Yeḛ a si keneŋ saar kar ŋgɔ-njekinjanéməs gə́ deḛ tər ubu gə́ to gə kəmee dəa’g lé wəi ɓa.

Bula lə Israɛlje 35:28

Mbata to kəm kar njetɔl-dəw lé si mee ɓee-boo’g ləa gə́ to njo̰loo lé saar loo gə́ ŋgɔ-njekinjanéməs wəi ɓa, goo kwəi’g lə ŋgɔ-njekinjanéməs lé ndá yeḛ a kaskəm tel kaw mee ɓee’g ləa gə́ gəd ɓəi.

Matiyo 22:16

Deḛ d’ula njékwakila deeje ləm, gə herodiḛje ləm tɔ rəa’g d’ar dee d’ulá pana: Mbai, jeḛ n’gər gao to gə́ i lé to kankəm dəw ya ləm, i ndoo dəwje kankəmta lə Ala gə goo rəbee, ɓəl ne kəm dəw kára el ləm tɔ mbata i lé rɔ dəwje gə́ raga ɓa kəmi wəi dɔ’g el.

Néra Njékaḭkulaje 10:34

Yen ŋga Piɛrə teḛ təa pata pana: Tɔgərɔ ya, ma m’oo to gə́ Ala lé ɔr kəm dəw kára kara el.

Njé gə́ Rɔmə 2:11

Mbata no̰ Ala’g lé d’a kɔr kəm dəw kára kara keneŋ el.

Tel tura Godndu 10:17

Mbata Ala lə sí gə́ Njesigənea̰ to Ala gə́ ur dɔ magəje’g ləm, yeḛ to Mbai gə́ ur dɔ mbaije’g ləm, yeḛ to Ala gə́ boo gə́ ur dɔ loo’g ləm, yeḛ to njesiŋgamoŋ gə́ to ɓəl kədm-kədm ləm, yeḛ ɔr kəm dəw kára kara el ləma, yeḛ taa ne néndogo gel el ləm tɔ,

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,

1 Piɛrə 1:17

Yeḛ gə́ ɔr kəm ta lə nana kara gə goo kula rəa ɓó ɔr kəm dəw el lé ɓó lé seḭ ɓareeje Bɔ síje ndá njaaje gə meekaarkərm loo gə́ seḭ naije gə mbáje dɔ naŋg nee ɓəi.