2 Samel 14:11 - Maktub gə́ To gə Kəmee

¹¹ Yeḛ pana: Maji kar mbai ar mée olé dɔ Njesigənea̰, Ala’g lé ləa gə mba kar njedalba̰ məs ila tuji dɔ maree’g gə mba tuji ne ŋgonəm el! Ndá yeḛ ilá’g pana: Njesigənea̰ si kəmba ya! Yiŋga dɔ ŋgoni kára kara a koso naŋg el.

2 Samel 14:11 ပူးပေါင်းရင်းမြစ်များ

Gḭ-Néje 14:22

Abram ila mbai gə́ Sɔdɔm keneŋ pana: Ma m’un jim par gə́ rɔ Njesigənea̰’g, Ala gə́ Njekurdɔloo, yeḛ gə́ to mbai dɔ dara gə naŋg nee:

Gḭ-Néje 31:50

Ɓó lé i ula kəm ŋganəmje gə́ dené ndòo əsé i taa denéje gə́ raŋg ɔm dɔ dee’g ndá to dəw ɓa si oo goo sí el. Məəi dɔ rɔi’g mbata to Ala nja gə́ njekɔrkəmta mbuna síjeḛ səi’g ya.

2 Samel 14:10

Mbai lé ulá pana: Ɓó lé dəw kára ila ta dɔi’g ndá maji kari ree səa rɔm’g. Bèe ɓa yeḛ a tel ɓar rii gogo el.

2 Samel 14:12

Dené lé pana: Mbai ləm, maji kari ya̰ loo ar kura ləi gə́ dené pata kára ya ɓəi. Ndá yeḛ pana: Pa ta ya.

2 Samel 14:21

Mbai ula Joab pana: Aa oo, ma m’ndigi ra né neelé ya. Bèe ndá aw ar basa gə́ to Absalɔm lé tel ree ya.

1 Mbaije 1:52

Salomo̰ pana: Ɓó lé yeḛ ra néra gə́ danasur ndá yiŋga dəa gə́ kára mbuna mareeje’g ya kara a koso naŋg el, nɛ ɓó lé némeeyèr to mée’g ndá yeḛ a kwəi ne ya tɔ.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Bula lə Israɛlje 35:19

Njedalba̰ lé ɓa a tɔl dəw gə́ njetɔl maree lé, loo gə́ yeḛ a kiŋgá ndá yeḛ nja ɓa a tɔlee tɔ.

Bula lə Israɛlje 35:21

əsé ɓó lé yeḛ kundá gə jia gə goo ba̰ gə́ mée’g kédé ɓa aree teḛ yoo ndá yeḛ gə́ njekunda maree lé d’a tɔlee tɔ, mba kar bo̰ nérea ɔs təa’g mbata yeḛ to njetɔl-dəw ya, njedalba̰ lé a tɔl njetɔl-dəw neelé loo gə́ yeḛ a kiŋgá ya.

Bula lə Israɛlje 35:27

ar njedalba̰ neelé iŋgá gir dɔ naŋg ɓee-boo gə́ to njo̰loo lé ɓa tɔlee ndá taree a kwa dəa el.

Matiyo 10:30

Yiŋga dɔ sí kara deḛ tura dém-dém ya.

Néra Njékaḭkulaje 27:34

M’tɔg sí kar sí sɔje né, mbata yee ɓa gə́ kuma̰ kar sí ajije ne ləm, yiŋga dɔ dəw ya kára kara mbuna sí’g a kigi gə mḭdé el ləm tɔ.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.

1 Samel 20:42

Jonatan ula Dabid pana: Aw gə meekulɔm. Ɓasinè jeḛ manje rɔ sí j’ar na̰ gə ri Njesigənea̰ m’pajena: Maji kar Njesigənea̰ nai mbuna sí-jeḛ səi’g ləm, gə mbuna ŋgakamje-je’g gə ŋgakaije-je’g ləm tɔ saar gə no̰ ya.

1 Samel 28:10

Sawul man rəa gə ri Njesigənea̰ aree pana: Njesigənea̰ si kəmba ya! Némajel a rai gə mbəa el.