2 Samel 13:20 - Maktub gə́ To gə Kəmee

²⁰ Absalɔm, ŋgokea̰ gə́ diŋgam lé dəjee pana: See Amno̰, ŋgokɔḭ gə́ diŋgam lé to səi wa. Ɓasinè, kɔnanəm, əw rɔi no̰, yeḛ to ŋgokɔḭ gə́ diŋgam ya, ar né neelé ar məəi oḭ ne yaa̰ el. Ndá Tamar si gə kəmndoo mee kəi’g lə Absalɔm, ŋgokea̰ gə́ diŋgam lé.

2 Samel 13:20 ပူးပေါင်းရင်းမြစ်များ

Gḭ-Néje 34:2

Ndá Sikem gə́ to ŋgolə Hamɔr, mbai gə́ ɓee’g neelé ée. Ndá yeḛ wá aw to səa tujee tɔ.

Gḭ-Néje 46:15

Deḛ nja to ŋgalə Lea gə́ yeḛ oji dee gə Jakob Padan-Aram, gə ŋgonee gə́ dené Dina tɔ. Ŋganeeje gə́ diŋgam gə njé gə́ dené lai lé to dəwje rɔ-munda-gir-dee-munda.

2 Samel 13:19

Tamar saa bu ɔm dəa’g ləm, yeḛ til kubu ləa gə́ boi yul gə́ ndaŋg mèr gə́ rəa’g lé hao̰-hao̰ ləm tɔ, ndá yeḛ odo jia ɔm dəa’g tur kii pénéné-pénéné aw ne.

2 Samel 13:21

Loo gə́ mbai Dabid oo ta néje neelé lai ndá mée ea̰ yaa̰.

2 Samel 14:24

Nɛ mbai lé pana: Arje Absalɔm aw kəi ləa ɓó yeḛ a koo kəm el. Togə́bè Absalɔm tel aw kəi ləa ndá yeḛ oo kəm mbai lé el tɔ.

Gosota-Kəmkàrje 26:24

Dəw gə́ njekḛji loo bəḭ-bəḭ lé Ta gə́ teḛ təa’g ɓa lɔm ne dɔ rəa, Tɔɓəi yeḛ ar ta sukəmloo to mée’g kɔrɔg.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.