2 Samel 13:18 - Maktub gə́ To gə Kəmee

¹⁸ Tamar lé ula kubu gə́ boi yul gə́ ndaŋg mèr rəa’g, mbata yee ɓa to kubu gə́ ŋgama̰dje gə́ to ŋgalə mbaije d’ula rɔ dee’g loo gə́ deḛ taa ŋgaw el ɓəi lé. Kura lə Amno̰ lé tɔbee ilá raga ndá udu tarəwkəi gée’g.

2 Samel 13:18 ပူးပေါင်းရင်းမြစ်များ

Gḭ-Néje 37:23

Loo gə́ Jisəb teḛ rɔ ŋgakea̰je’g ndá deḛ d’wá d’ɔr kubu gə́ boi yul gə́ rəa’g, to kubu gə́ boi yul gə́ ndaŋg mèr gə́ to rəa’g lé.

Gḭ-Néje 37:3

Israɛl unda Jisəb dan kəmee’g yaa̰ unda ŋganeeje gə́ raŋg lai mbata yeḛ ojee dɔ tɔgee’g. Bèe ɓa yeḛ uru kubu gə́ boi yul gə́ ndaŋg mèr aree.

Gḭ-Néje 37:32

Deḛ d’ula gə́ kubu gə́ boi yul gə́ ndaŋg mèr lé d’ar bɔ deeje, d’ar dee d’ulá pana: Aa oo né gə́ jeḛ j’iŋga ɓa nee! Tə̰ oo see to kubu gə́ boi yul lə ŋgoni lé əsé to yee el wa.

2 Samel 13:17

Nɛ yeḛ ndigi koo ta ləa el ndá yeḛ ɓar ŋgon gə́ njera né karee ulá pana: Ar dee d’ar ŋgoma̰də neelé teḛ raga. Ndá yeḛ udu tarəw gée’g tɔ.

Njéga̰g-Rəwtaje 3:23

Nɛ Ehud unda loo teḛ gə rəw gə́ gel pala’g ndá yeḛ udu tarəwkəije gə́ dɔ maree’g tar gə kɔgərɔ.

Njéga̰g-Rəwtaje 5:30

See d’iŋga nébanrɔ el wa. See deḛ kai na̰ né el wa. Ŋgoma̰də kára əsé ŋgama̰dje joo Mbata dəw gə́ njérɔ kára-kára ləm, Néba̰rɔ gə́ to kubu-ndajije Mbata lə Sisera ləm, Néba̰rɔ gə́ to kubu-ndajije gə́ d’ɔs gə́ kɔs ləma, Kubu-ndaji kára gə kubuje joo gə́ d’ɔs dee ləm tɔ Mbata lə gwɔb njekungaŋga.