2 Samel 13:1 - Maktub gə́ To gə Kəmee

¹ Goo néje’g neelé ndá aa oo, né gə́ teḛ ɓa nee: Absalɔm gə́ to ŋgolə Dabid lé ŋgokea̰ gə́ dené gə́ ma̰də yaa̰ si keneŋ ria lə Tamar, ndá mal Tamar lé ra Amno̰ gə́ ŋgolə Dabid gə́ kea̰je ɓəd lé ŋgwɔd-ŋgwɔd ya.

2 Samel 13:1 ပူးပေါင်းရင်းမြစ်များ

Gḭ-Néje 29:18

Rasel lé taa kəm Jakob rəgm ndá yeḛ ula Laba̰ pana: M’a ra səi kula ləbm siri gə mbata lə Rasel, ŋgoni gə́ ndɔḭ lé ya.

Gḭ-Néje 29:20

Togə́bè Jakob ra kula ləbee siri mbata lə Rasel. Nɛ ləbje neelé yeḛ oo asəna gə ndɔje gə́ bəl ba bèe mbata yeḛ ndigee yaa̰.

Gḭ-Néje 34:3

Yeḛ ɔm mée dɔ Dina gə́ ŋgolə Jakob’g lé. Yeḛ unda ŋgoma̰də neelé dan kəmee’g ndá yeḛ ulá ta gə́ kul gə mba gɔl ne mée.

Gḭ-Néje 6:2

ŋgan-Alaje gə́ diŋgam d’oo to gə́ ŋgan dəwje gə́ dené lé ma̰də kəm dee’g ndá deḛ mbər njé gə́ na̰je mbuna dee-deḛ lai gə́ taa kəm dee lé, taa deḛ gə́ denéje lə dee.

2 Samel 11:2

Kàrkemetag gə́ kára bèe ndá Dabid ḭ loo-tée’g. Loo gə́ yeḛ aw njaa dɔ kəi’g ləa gə́ tar gə́ to kəi-mbai lé ndá yeḛ oo dené kára gə́ aar ndogo mán, yeḛ to dené gə́ ma̰də yaa̰ tɔ.

2 Samel 13:15

Yen ŋga Amno̰ tel ə̰jee bəḭ-bəḭ to gə́ lə né gə́ yeḛ ndigi kédé el bèe səm. Ndá yeḛ ulá pana: Ḭta, aw loo ləi!

2 Samel 13:2

Amno̰ lé mée tila ŋgaḭla-ŋgaḭla saar aree oso ne gə rɔko̰ mbata ŋgokea̰ gə́ dené gə́ Tamar lé, mbata yeḛ lé taa ŋgaw el ɓəi ndá to kədərə gə Amno̰ mba karee iŋga loo gə́ tḛ́ bèe kara mba ra ne səa né.

2 Samel 14:27

Absalɔm oji ŋganje gə́ diŋgam munda gə yeḛ gə́ dené kára tɔ. Yeḛ gə́ dené lé ria lə Tamar, yeḛ to ŋgoma̰də gə́ ma̰də yaa̰ tɔ.

1 Mbaije 11:1

Mbai Salomo̰ taa denéje gə́ dɔ ɓee’d gə́ raŋg ɔm dee dɔ ŋgolə Parao̰ gə́ dené’g yeḛ təa kédé lé: deḛ gə́ to Moabje ləm, gə Amo̰je ləm, gə Edɔmje ləm, gə Sido̰je ləma, gə Hetje ləm tɔ.

1 Sôrta Gḭka-Israɛlje 3:2

njekɔm’g munda to Absalɔm gə́ yeḛ ojee gə Maaka, ŋgolə Talmai gə́ dené, yeḛ gə́ to mbai gə́ Gesur lé, njekɔm’g sɔ to Adonija gə́ yeḛ ojee gə Agit tɔ,

1 Sôrta Gḭka-Israɛlje 3:9

Deḛ lai neelé ɓa to ŋgalə Dabid ya, ŋganeeje gə́ raŋg to ŋgalə gamla-denéje ləa ndá Tamar ɓa to kɔnan dee.

Gosota-Kəmkàrje 31:30

Ra meemaji mba taa ne kəm dəw lé To né su kəm loo ləm, Ma̰də gə́ darɔ’g lé kara To né gə́ a dəs ɓəi ləm tɔ, Nɛ dené gə́ ɓəl Njesigənea̰ ɓa d’a pidee.

Gosota-Kəmkàrje 6:25

Maji kari ra kəmnda dəa’g məəi’g Mbata ma̰də ləa el ləm, Ya̰ loo aree əri gə dɔkəmee el ləm tɔ.