2 Samel 12:31 - Maktub gə́ To gə Kəmee

³¹ Yeḛ ar koso-dəwje gə́ mee ɓee’g teḛ raga ndá yeḛ ɔm kulaje gə́ kədərə kədərə dɔ dee’g ar dee ra kula gə kiaje gə́ ka̰ kinja kagje ləm, gə négɔl dɔ naŋg gə́ təa adə gə́ ra gə larndul ləm, gə tinaje gə́ to larndul ləma, gə kula gə́ wɔji dɔ nuŋga bɔrɔje ləm tɔ. Yeḛ ra togə́bè gə ɓee-booje lə Amo̰je lai ya. Tɔɓəi Dabid gə njérɔje ləa lai tel d’aw Jerusalem gogo tɔ.

2 Samel 12:31 ပူးပေါင်းရင်းမြစ်များ

2 Samel 8:2

Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

1 Sôrta Gḭka-Israɛlje 20:2

Dabid ɔr dɔgugu lə mbai lə dee dəa’g, dɔgugu larlɔr neelé kwɔi ləa al dɔ nékwɔji kwɔi-lə-né rɔ-munda tɔɓəi deḛ tɔs jərje gə́ maji dum keneŋ dèm-dèm tɔ. Deḛ d’ula dɔgugu neelé dɔ Dabid’g tɔɓəi yeḛ odo nébanrɔje yaa̰ mee ɓee-boo’g neelé tɔ.

1 Sôrta Gḭka-Israɛlje 20:3

Yeḛ ar dəwje gə́ mee ɓee’g teḛ raga ndá yeḛ gaŋg dee dana gə kia kinja kag ləm, gə né gɔl dɔ naŋg gə́ təa adə gə́ to larndul ləma, gə tinaje ləm tɔ, ɓee-booje lə Amo̰je lai lé Dabid ra togə́bè keneŋ ya. Dabid gə njérɔje lai tel d’aw Jerusalem gogo tɔ.

Jeremi 43:9

Odo kɔr mbalje gə́ boi-boi aw iya dee kəm Judaje’g dan a̰ji’d gə́ mee bwa-nuŋga-bɔrɔ gə́ to takəi’g lə Parao̰ mee ɓee-boo gə́ Tapanɛs.

Amɔs 1:13

Njesigənea̰ ɓa pa togə́bè pana: Gə mbata kaiya ra Amo̰je gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ta̰ meḛ denéje gə́ Galaad gə́ d’aw gə kèm Gə mba kar tad dɔ naŋg lə dee-deḛ ḭ dɔ ne maree’g ɓəi.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:3

Njesigənea̰ ɓa pa togə́bè pana: Gə mbata kaiya ra Damasje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ tal Galaadje ras-ras gel kag-lar’g To gə́ d’unda ne kó bèe.

Ǝbrəje 11:37

Deḛ tila dee gə kɔri-ər ləm, gaŋg dee dana gə kiambas ləma, ra sə dee néurti ləm tɔ. Njé gə́ raŋg d’wəi yoo-kiambas ləm, d’aḭ wur-wur d’ula ndar badje gə ndar bya̰je rɔ dee’g ləm, néje lə deḛ lai tuji pugudu-pugudu ləma, d’ula pər kudu dee’g ra sə dee kədərə yaa̰ ləm tɔ.

Jujé 10:15

Gée gə́ gogo Juje gə Israɛlje lai tel d’aw loo-si dee’g Gilgal tɔ.