2 Samel 12:3 - Maktub gə́ To gə Kəmee

³ Njendoo lé né kára kara godo jia’g nɛ ma̰də badə gə́ yeḛ ndogee lé ya kára ba. Yeḛ ulee məəi kəi’g ləa aree ra tɔg gə ŋganeeje na̰’d. Yeḛ aree o̰ səa muru ləm, aree ai səa mán mee ŋgo’g ləa ləm, yeḛ toɓi kaaree’g ləma, yeḛ ée asəna gə ŋgonee gə́ dené bèe ləm tɔ.

2 Samel 12:3 ပူးပေါင်းရင်းမြစ်များ

2 Samel 11:3

Dabid ar dee dəji ta lə dené neelé ndá d’ulá pana: See to Bat-Seba, ŋgolə Eliam gə́ to dené lə Uri, dəw gə́ Het lé el wa.

2 Samel 12:2

Bao lé badje gə maŋgje ləa bula yaa̰-yaa̰.

2 Samel 12:4

Mbá kára bèe ree kəi lə bao lé. Nɛ bao neelé ndigi kwa badə ləa əsé maŋg ləa mba koro ne muru kar mbá gə́ ree kəi ləa lé el. Ndá yeḛ wa ma̰də badə lə njendoo lé ɓa ar dee koro ne muru d’ar mbá gə́ ree kəi ləa lé o̰.

Misee 7:5

Maji kar sí ɔmje meḛ sí dɔ baokuraje’g lə sí el ləm, Ǝsjeta dɔ njékṵda sí dan kəm dee’gje el ləm tɔ. Deḛ gə́ seḭ sə deeje toje mee kəi’g lé Maji kar sí ŋgəmje ta sí no̰ dee’g.

Tel tura Godndu 13:6

Njetegginta əsé njeni neelé d’a tɔlee gə́ tɔl ya mbata yeḛ pata mba kar sí ɔsje ne Ala lə sí gə́ Njesigənea̰ rəw, yeḛ gə́ ar sí undaje loo mee ɓee gə́ Ejiptə teḛje ɔr sí ne kəi-kula-ɓər’g tɔɓəi rəw gə́ Ala lə sí gə́ Njesigənea̰ un ndia gə mba kar sí njaaje keneŋ lé debee neelé ndigi kar sí ubaje ya̰je. Togə́bè ɓa seḭ a kɔrje ne né gə́ majel mbuna sí’g tɔ.