2 Samel 12:22 - Maktub gə́ To gə Kəmee

²² Yeḛ ila dee keneŋ pana: Loo gə́ ŋgon si kəmba ɓəi lé ma m’ɔg məəm ɓó ləm, m’no̰ ləm tɔ mbata ma m’pana: Ɓó lé Njesigənea̰ a koo kəmtondoo ləm mba kar ŋgon neelé si kəmba lé see na̰ ɓa gər wa.

2 Samel 12:22 ပူးပေါင်းရင်းမြစ်များ

2 Samel 12:21

Kuraje ləa dəjee pana: Né gə́ i ra lé see ginee to ɗi wa. Kédé gə́ ŋgon si kəmba ɓəi lé i ɔg məəi ɓó ləm, i no̰ ləm tɔ. Nɛ ɓasinè loo gə́ ŋgon wəi ndá i ḭta ləm, i sɔ né ləm tɔ.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

Esai 38:5

Aw ula Ejekias pana: Njesigənea̰, Ala lə bɔbije Dabid pa togə́bè pana: Neḛ n’oo tamaji ləi ya ləm, n’oo mán-no̰ gə́ to kəmi’g ya ləm tɔ. Aa oo, n’a gə kila ləbi dɔ maree’g as ləb dɔg-giree-mi ɓəi.

Joɛl 1:14

Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ! Mbo̰je ɓugaje gə dəwje lai gə́ mee ɓee’g Mee kəi’g lə Ala lə sí gə́ Njesigənea̰ Ndá raje né wəl arje Njesigənea̰!

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Junas 1:6

Njekwa-ŋgao bato lé ree pər gə́ rəa’g dəjee pana: See ban ɓa i toɓi bèe wa. Uba naŋg ḭ tar ɓar magə ləi oo ɓa banelə yeḛ ə̰ji dɔ sí’g ndá j’a kudu ne el.