2 Samel 12:16 - Maktub gə́ To gə Kəmee

¹⁶ Dabid ra tamaji ta Ala’g lé mbata lə ŋgon lé ɔg ne mée ɓoo. Loo gə́ yeḛ tel aw mee kəi’g ləa ndá yeḛ to dɔ naŋg’d ya loondul’g.

2 Samel 12:16 ပူးပေါင်းရင်းမြစ်များ

2 Samel 12:15

Bèe ɓa Natan ɔd aw kəi ləa. Njesigənea̰ ar ŋgon gə́ dené lə Uri ojee gə Dabid lé oso gə rɔko̰ gə́ to ɓəl.

2 Samel 12:22

Yeḛ ila dee keneŋ pana: Loo gə́ ŋgon si kəmba ɓəi lé ma m’ɔg məəm ɓó ləm, m’no̰ ləm tɔ mbata ma m’pana: Ɓó lé Njesigənea̰ a koo kəmtondoo ləm mba kar ŋgon neelé si kəmba lé see na̰ ɓa gər wa.

2 Samel 13:31

Mbai lé uba naŋg ḭta til kubuje ləa hao̰-hao̰ ndá tel to dɔ naŋg’d ba, ar kuraje ləa lai gə́ d’isi keneŋ kara til kubuje lə dee hao̰-hao̰ tɔ.

1 Mbaije 21:27

Gée’g gogo loo gə́ Akab oo taje lə Eli ndá yeḛ til kubuje rəa’g hao̰-hao̰ ya̰ ula kubu-kwa-ndòo ɓa rəa’g, tɔɓəi yeḛ ɔg mée ɓoo ləm, yeḛ to naŋg gə kubu-kwa-ndòo lé bura ləm tɔ ndá yeḛ njaa ne jan-jan tɔ.

Nehemi 1:4

Loo gə́ m’oo ta néje neelé ndá m’wa naŋg rəb, m’no̰ ləm, m’wa ndòo as ndɔje bula ləm tɔ. M’ɔg məəm ɓó ləm, m’ra tamaji ta Ala gə́ to mbai dɔ dara ləm tɔ,

Este 4:16

Maji kari mbo̰ Jibje lai gə́ d’isi Susə dɔ na̰’d gə mba kar dee d’ɔg meḛ dee ɓoo mbata ləm, lal ko̰ muru ləm, gə lal kai mán ləm tɔ as ndɔ munda dan kàrá gə loondul’g. Ma kara m’a kɔg məəm ɓó gə ŋganjélookisije ləm gə́ dené to ɓa m’a kḭ kaw rɔ mbai’g lé gə goo godndu el ŋga. Ɓó lé to kəm karm m’wəi ne kara m’a kwəi ne ya.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 69:10

Mbata ŋgur kəi ləi gə́ ram ŋgwɔd-ŋgwɔd lé Sɔ siŋgam yɔm-yɔm ləm, Deḛ gə́ d’ula sul dɔi’g lé Ta ndɔlje lə dee lé oso dɔm’g ya ləm tɔ.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 26:16

Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Loo gə́ killa rea kəm Daniel’g 6:18

Deḛ d’un biri mbal d’udu ne ta bwa lé, tɔɓəi mbai lé ɔs nétorjia gə́ to ŋgama’g ləa ləm, gə ka̰ dəwje ləa gə́ boo-boo ləm tɔ lé keneŋ mba kar ta kára kara gə́ wɔji dɔ Daniel lé dəw a telee ɓəd nda̰ el.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Néra Njékaḭkulaje 9:9

Yeḛ si keneŋ ndəa munda oo loo bèe el ləm, sɔ né el ləma, ai mán el ləm tɔ.

Jujé 7:6

Juje wa kubu rəa’g hao̰ til ndá yeḛ rəm bəbərə oso dəb kəmee naŋg no̰ sa̰duk-manrɔ’g lə Njesigənea̰’g saar ar kàr andə, yeḛ ləm, gə ŋgatɔgje lə Israɛl ləm tɔ, tɔɓəi deḛ saa naŋg d’ɔm dɔ dee’g tɔ.