2 Samel 11:8 - Maktub gə́ To gə Kəmee

⁸ Tɔɓəi Dabid ula Uri pana: Aw wa rɔi kəi ləi lam ɓa. Uri unda loo mee kəi-mbai’g teḛ ndá mbai lé ula gə nénoji aree.

2 Samel 11:8 ပူးပေါင်းရင်းမြစ်များ

Gḭ-Néje 18:4

Ŋginaje am m’ar dee ree gə mán d’ar sí togoje ne gɔl sí, ndá waje rɔ sí ndil kag gə́ nee ɓa.

Gḭ-Néje 19:2

Tɔɓəi yeḛ pana: Aa ooje, mbaije ləm, m’ra ndòo rɔ sí’g, maji kar sí a̰dje mee kəi’g lə kura lə sí mba to keneŋ loondul’g nee. Seḭ a togoje gɔl sí ndá seḭ a kḭje gə ndɔ rad ɓa mba kaw kəm sí gə́ kédé ɓəi. Deḛ tel d’ilá keneŋ pana: Wah! Loondul gə́ neelé jeḛ j’a to raga nee ya.

Gḭ-Néje 43:24

Dəw neelé ar dee d’andə mee kəi’g lə Jisəb. Yeḛ ar dee mán ndá deḛ togo ne gɔl dee. Yeḛ ar dee nésɔ mbata lə mulayḛ̀je-je lə dee tɔ.

Gḭ-Néje 43:34

Jisəb ar dee d’un nésɔ gə́ to nea̰’g d’aw kai dee ndá Bḛjami iŋga kea̰-yeḛ ur dɔ ka̰ dee-deḛ’g gɔl mi. Deḛ d’ai ndá d’al rɔ dee səa na̰’d.

Pakɔsje 12:2

Ǝi Njesigənea̰, gə́ ree la sə sí! Njémeemajije d’isi sané pá ləm, Majikojije d’udu mbuna dəwje’g ləm tɔ.

Pakɔsje 44:21

Ɓó lé j’ar meḛ sí wəi dɔ ri Ala’g lə sí J’ula ne ji sí ndiŋ par gə́ rɔ magə gə́ d’ḭ ne raŋg ndá

Pakɔsje 55:21

Yeḛ ula jia ndiŋ Mba kunda deḛ gə́ d’isi səa lɔm kédé ləm, Ndu manrɔ ləa kara yeḛ un kəmee dɔ’g rəw ya ləm tɔ.

Esai 29:15

Meeko̰ a koso dɔ deḛ Gə́ d’iya néje gə́ d’wɔji-kwɔji ra lé Mba kar Njesigənea̰ oo el, Néra deeje lé deḛ ra loondul’g Ndá deḛ pana: See na̰ ɓa oo neḛje wa. See na̰ ɓa gər neḛje wa.

Lugu 12:2

Né gə́ rara gə́ d’udu dəa gə́ d’a lal teḛ gə́ raga lé kára kara godo ləm, né gə́ rara gə́ iya rəa gə́ d’a lal gəree lé kára kara godo ləm tɔ.

Lugu 7:44

Tɔɓəi yeḛ tur kəmee gə́ rɔ dené’g lé ndá ula Simo̰ pana, see i oo dené neelé ya wa. Ma m’ree mee kəi’g ləi nɛ i am mán gə mba togo ne gɔlm el, nɛ dené neelé mán-no̰ gə́ kəmee’g ɓa yeḛ togo ne gɔlm, tɔɓəi yeḛ tel bɔr gə yiŋga dəa péd-péd tɔ.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.