2 Samel 11:7 - Maktub gə́ To gə Kəmee

⁷ Loo gə́ Uri teḛ rɔ Dabid’g ndá yeḛ dəjee ta lə Joab ləm, gə ta lə njérɔje ləma, gə ta lə rɔ ləm tɔ.

2 Samel 11:7 ပူးပေါင်းရင်းမြစ်များ

Gḭ-Néje 29:6

Yeḛ dəji dee pana: See yeḛ si gə́ majee ya ɓəi wa. Deḛ ndigi təa’g pana: Yeḛ si gə́ majee ya ɓəi, tɔɓəi aa oo, ŋgonee gə́ Rasel ɓa aw ree gə badə-kosoje gə́ nee kən.

Gḭ-Néje 37:14

Israɛl ulá pana: Aw goo ŋgakɔḭje oo, see d’isi gə́ majee ya wa. See koso-nékulje kara d’aw gə́ majee to wa. Ndá i a tel ree kulam taree ya. Togə́bè yeḛ aree ḭ wəl-loo gə́ Ebro̰ ndá Jisəb aw teḛ Sikem.

2 Samel 11:6

Yen ŋga Dabid ula kula rɔ Joab’g pana: Ar Uri gə́ to dəw gə́ Het lé ree iŋgam. Joab ula Uri lé aree aw iŋga Dabid.

Teḛ-Raga 18:7

Moyis teḛ aw tila kəm məmeeje ndá yeḛ unda barmba nea̰’g tɔɓəi yeḛ il ɓɔlee tɔ. Deḛ dəji na̰ ta gə́ wɔji dɔ roŋgəŋ lə dee-deḛ ləm gə ka̰ njémeekəije ləm tɔ ndá deḛ d’andə d’aw mee kəi-kubu’g lə Moyis.

1 Samel 17:22

Dabid ɔm néje ləa gə́ yeḛ odo lé ji njeŋgəm nékodoje’g ndá yeḛ aḭ aw loo-kaar njérɔje’g. Léegəneeya gə́ yeḛ teḛ rɔ ŋgakea̰je’g ndá yeḛ dəji dee pana: See d’isi ban wa.