2 Samel 11:6 - Maktub gə́ To gə Kəmee

⁶ Yen ŋga Dabid ula kula rɔ Joab’g pana: Ar Uri gə́ to dəw gə́ Het lé ree iŋgam. Joab ula Uri lé aree aw iŋga Dabid.

2 Samel 11:6 ပူးပေါင်းရင်းမြစ်များ

Gḭ-Néje 4:7

Tɔgərɔ ya, ɓó lé i ra maji ndá i a kun dɔi tar gogo ɓəi. Nɛ ɓó lé i ra majel ndá kaiya to takəi’g ləi, yee ndiŋga rəa gə mba kwai nɛ i lé maji kari dum dəa ɓa.

2 Samel 11:5

Dené neelé taa kèm ndá yeḛ ula dee ar dee d’ula Dabid pana: Ma lé m’aw gə kèm.

2 Samel 11:7

Loo gə́ Uri teḛ rɔ Dabid’g ndá yeḛ dəjee ta lə Joab ləm, gə ta lə njérɔje ləma, gə ta lə rɔ ləm tɔ.

2 Samel 23:39

gə Uri, dəw gə́ Het. Deḛ lai to rɔ-munda-gir-dee-siri.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Matiyo 26:70

Yeḛ maḭtaree kəm dee’g lai ulá pana: Ta gə́ i pa lé ma m’gər kilá el.

Matiyo 26:72

Piɛrə tel maḭ gə rɔkubu pana: Dəw neelé kəm nja kara oso dəa’g bèe el nja ɓəi.

Matiyo 26:74

Yen ŋga Piɛrə ndo̰ naji ubu ne rəa pana: Dəw neelé kəm nja kara m’ila dəa’g bèe el ɓəi.

1 Samel 15:30

Sawul pa ya tɔɓəi pana: Ma m’ra kaiya ya! Ɓasinè, m’ra ndòo rɔi’g, ila riɓar dɔm’g kəm ŋgatɔgje lə koso-dəwje’g ləm ləm, gə kəm Israɛlje’g ləm tɔ. Gə́ tel ree səm ya ndá m’a kunda barmba no̰ Njesigənea̰ Ala’g ləi ya.