2 Samel 11:11 - Maktub gə́ To gə Kəmee

¹¹ Uri tel ila Dabid keneŋ pana: Sa̰duk-manrɔ gə Israɛlje gə Judaje d’isi mee kəi-kubuje’g ləm, mbai ləm Joab gə kuraje lə mbai ləm kara d’isi loo gə́ wala’g ləm tɔ ndá see ma ŋga ɓa m’a kaw mee kəi’g kaw sɔ gə kai gə to gə dené ləm wa. Tɔgərɔ ya si gə́ i si kəmba gə darɔi ɓəi neelé m’a ra né gə́ togə́bè lé pai godo.

2 Samel 11:11 ပူးပေါင်းရင်းမြစ်များ

2 Samel 11:10

D’ula Dabid taree pana: Uri lé aw mee kəi’g ləa el. Ndá Dabid dəji Uri pana: See i ḭ mbá’g ɓa ree el wa. See gelee ban ɓa i aw mee kəi’g ləi el wa.

2 Samel 14:19

Mbai lé dəjee pana: Taje lai neelé see Joab ɔm səi na̰’d keneŋ el wa. Ndá dené lé tel ilá keneŋ pana: Ǝi mbai ləm, tɔgərɔ i si kəmba ya, ta gə́ mbai ləm pa lé to lée’g ya ɓó loo maḭyee godo ŋga. Tɔgərɔ ya, Joab ya ɓa un ndia am ləm, yeḛ ɔm taje lai neelé ta kura’g ləi gə́ dené ləm tɔ.

2 Samel 20:6

Bèe ɓa Dabid ula Abisai pana: Seba, ŋgolə Bikri lé ɓasinè a gə ra sə sí majel unda ka̰ Absalɔm ya ɓəi. Ndá i ya maji kari ɔr kuraje lə ɓéije ndá korə ne gée nà banelə a kaw mee ɓee-booje gə́ ndògo-bɔrɔ gugu dɔ dee’g mba kiya rəa keneŋ kəm sí’g.

2 Samel 7:2

yeḛ ula Natan, njetegginta lé pana: Oo, ma lé m’isi mee kəi gə́ ra gə kag-sɛdrə nɛ sa̰duk-manrɔ lə Ala to mee kəi-kubu’g ɓa.

2 Samel 7:6

Mbata un kudee mee ndəa gə́ n’ar Israɛlje d’unda ne loo mee ɓee gə́ Ejiptə teḛ lé neḛ n’isi mee kəi’g el ya saar teḛ ɓogənè, nɛ kəi-kubu gə́ to kəi-si-Ala ɓa neḛ n’ai keneŋ ya.

Bula lə Israɛlje 32:6

Moyis ila ginkoji Gadje gə ginkoji Rubḛje keneŋ pana: See ŋgako̰ síje d’a kaw loo-rɔ’g nɛ see seḭ lé a naije loo gə́ nee’g wa.

Tagə́maji gə́ Ja̰ ndang 13:14

Ɓó lé ma gə́ m’to Mbai lə sí ləm, gə Mbaidɔmbaije ləm tɔ ɓa ma m’togo gɔl sí lé ndá maji kar sí-seḭ kara togoje gɔl na̰ togə́bè tɔ.

2 Timote 2:12

Ɓó lé jeḛ j’ai meḛ sí sam-sam Ndá j’a si səa na̰’d loo-ko̰ɓee’g ləa tɔ. Nɛ ɓó lé j’ɔr rɔ sí gelee’g Ndá yeḛ kara a kɔr rəa rɔ sí’g tɔ.

1 Samel 1:26

An pana: Mbai ləm, ar məəi oso lemsé dɔm’g! To tɔgərɔ ya, gə goo kisi kəmba ləi lé ya, ma lé ɓa m’to dené gə́ ndɔ gən m’isi mbɔri’g nee m’ra tamaji ta Njesigənea̰’g lé.

1 Samel 14:18

Yen ŋga Sawul ula Aija pana: Ar dee ree gə sa̰duk-manrɔ lə Ala gə́ nee. Mbata mee ndəa gən lé sa̰duk-manrɔ lə Ala to rɔ Israɛlje’g ya ɓəi.

1 Samel 17:55

Loo gə́ Sawul oo Dabid gə́ aw gə mba rɔ gə dəw gə́ Pilisti lé ndá yeḛ dəji Abner gə́ to ɓée njérɔje ləa lé pana: Abner, see ŋgon neelé to ŋgolə nawa. Abner ilá keneŋ pana: Ǝi, mbai, tɔgərɔ ya gə goo kisi kəmba ləi lé ma m’gəree el.

1 Samel 20:3

Dabid pa ya tɔɓəi gə rɔkubu pana: Bɔbije gər gao to gə́ ma m’taa kəmi rəgm ndá yeḛ a pana: Maji kar dee d’ar Jonatan oo el nà a kar mée ea̰. Nɛ to gə́ Njesigənea̰ si kəmba ləm, i ya kara si kəmba ya ləm tɔ ndá ma kulai to gə́ ta yoom nai tebdé ba bèe ya.

1 Samel 25:26

Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.

1 Samel 4:4

Togə́bè deḛ d’ula kula Silo d’ar dee d’un sa̰duk-manrɔ lə Njesigənea̰ gə́ njeboo-néje gə́ loo-siée to mbuna Nékundaje gə́ dara’g lé ree ne. Opni gə Pines, ŋgalə Eli gə́ joo lé d’aar keneŋ gə sa̰duk-manrɔ lə Ala na̰’d tɔ.