2 Samel 11:1 - Maktub gə́ To gə Kəmee

¹ Goo ləb gə́ sigi’g lé to mee ndəaje gə́ mbaije d’aw mba rɔ ne gə na̰ na̰ lé ndá Dabid ula Joab gə kuraje ləa gə njérɔje gə́ Israɛl lai mba kar dee d’aw tuji Amo̰je ləm, gə mba kaḭ dɔ Raba sub gə rɔ ləm tɔ. Nɛ Dabid nai Jerusalem ya.

2 Samel 11:1 ပူးပေါင်းရင်းမြစ်များ

2 Samel 10:14

Loo gə́ Amo̰je d’oo to gə́ Aramje buŋga na̰ d’aḭ ndá deḛ kara buŋga na̰ d’aḭ no̰ Abisai’g tel d’aw mee ɓee-boo’g tɔ. Togə́bè ɓa Joab ya̰ ne goo Amo̰je ndá tel aw Jerusalem tɔ.

1 Mbaije 20:22

Yen ŋga njetegginta rəm pər gə́ rɔ mbai gə́ Israɛl’g lé ulá pana: Maji kari wa rɔi kɔgərɔ ləm, gə́ tən oo né gə́ kəm kari ra ləm tɔ, mbata ləb gə́ a gə ree lé mbai gə́ Siri a gə tel ree rɔ səi gogo ɓəi tɔ.

1 Mbaije 20:26

Loo gə́ ləb gə́ njekorè goo maree lé ree ndá Ben-Adad tel tən njérɔje gə́ Siri tura dee ndá aw Apek mba rɔ gə Israɛlje tɔ.

1 Sôrta Gḭka-Israɛlje 20:1

Goo ləb gə́ sigi’g, mee ndəaje gə́ mbaije d’aw gə mba rɔ na̰ ndá Joab ɔr no̰ bao-njérɔje gə́ bula digi-digi aw mba tuji ne ɓee lə Amo̰je ləm, mba kaḭ ne dɔ ɓee-boo gə́ Raba sub gə rɔ ləm tɔ. Nɛ Dabid ɓa nai Jerusalem ya. Loo gə́ Joab rɔ gə ɓee-boo gə́ Raba tujee pugudu mba̰ ndá

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

Pakɔsje 60:9

Galaadje gə Manasəje lé deḛ to gə́ ka̰ neḛ ya, Eprayimje lé to dɔgugu-rɔ gə́ neḛ n’ula dɔ neḛ’g, Judaje kara to kag-mbai ka̰ ko̰ɓee gə́ n’wa ji neḛ’g tɔ,

Njekillamber 3:8

Ndɔ ndigi na̰ to keneŋ ləm, ndɔ kḛji na̰ bəḭ-bəḭ to keneŋ ləm tɔ, ndɔ rɔ to keneŋ ləm, ndɔ si gə meelɔm to keneŋ ləm tɔ.

Jeremi 49:2

Gelee gə́ nee ɓa aa oo, Njesigənea̰ pana: Ndɔje gə́ a gə ree lé M’a kar kó-rɔ ɓar Dɔ Rabat’g lə Amo̰je, Yee a tel to kul-néje gə́ tuji ləm, Ɓee-booje gə́ wɔji dəa lé D’a roo dee dula-dula ləm tɔ, Yen ŋga Israɛlje d’a tɔb Deḛ gə́ tɔb dee kédé lé. Njesigənea̰ ɓa pa bèe.

Jeremi 49:3

Seḭ njéɓeeje gə́ Esbon, Maji kar sí tuma̰je ŋgururu-ŋgururu, Mbata Ai tuji pugudu! Ŋganje gə́ dené gə́ Raba, Maji kar sí raje né wəl-wəl ləm, Tɔje kubu-kwa-ndòo ɓər sí’g ləma, No̰je gə mán-no̰ kəm sí’g Ilaje ne rima-rima kaar ndògo-bɔrɔje’g ləm tɔ Mbata d’aw gə magə-Malkɔm gə́ ɓee-ɓər’g Gə njékinjanéməsje ləa gə mbaije ləa na̰’d.

Ejekel 21:20

Gə mba kula ne ɓəl meḛ dee’g ləm, Gə mba kar yoo dee ḭ ne dɔ maree’d gə́ kédé-kédé ləm tɔ lé N’a tɔji dee kiambas gə́ to tarəwkəije’g lai. Deḛ d’usee gə mba karee ndɔḭ lèd-lèd ləm, D’ɔlee d’aree adə làm-làm Gə mba tɔl ne dəwje mburug-mburug ləm tɔ.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Jakari 14:3

Njesigənea̰ a teḛ ndá A rɔ gə ginkoji dəwje gə raŋg neelé To gə́ yeḛ rɔ ne ndɔ rɔ gə́ kédé lé tɔ.

Tel tura Godndu 3:11

Mbata dəw gə́ nai gə́ rudu ginkoji’g lə Repayimje gə karee ba lé, to Og. Tira ləa gə́ to gə́ larndul lé, to mee ɓee gə́ Rabat, ɓee-boo’g lə ŋgalə Amo̰. Ŋgalee as kəmkil dəw jinaikara ləm, tadee as kəmkil dəw sɔ ləm tɔ.

1 Samel 18:30

Mbaije gə́ Pilisti teḛ d’aw loo-rɔ’g mba rɔ gə Israɛlje. Nɛ gə ndɔje kára-kára lai gə́ d’aw loo-rɔ’g lé Dabid dum dɔ dee ur dɔ kuraje’g lə Sawul lai ndá ria ɓar ne yaa̰ tɔ.