2 Samel 10:6 - Maktub gə́ To gə Kəmee

⁶ Amo̰je lé d’oo to gə́ deḛ tel to kḛji kəm Dabid’g ndá deḛ tuga goŋ-rɔje gə́ Aram gə́ Bet-Reob gə njé gə́ Aram gə́ Soba as tɔl-dɔg-loo-rɔ-joo (20.000) ləm, gə deḛ gə́ njérɔje lə mbai gə́ Maaka d’as tɔl-dɔg (1.000) ləma, gə njérɔje gə́ Tɔb d’as tɔl-dɔg-loo dɔg giree joo (12.000) gə́ yeḛ wɔji mba kar dee lar ləm tɔ.

2 Samel 10:6 ပူးပေါင်းရင်းမြစ်များ

Gḭ-Néje 34:30

Yen ŋga Jakob ula Simeo̰ gə Ləbi pana: Seḭ ɓa arje məəm to kəgəgə, amje m’tel to né gə́ ə̰də majel əm njéɓeeje gə́ nee, gə əm Kana̰je’g ləm, gə əm Peresje’g ləm tɔ. Ma lé m’aw gə dəwje bula el ndá deḛ lé d’a mbo̰ na̰ dɔm’g kɔsm rəw kundam tɔlm, ma gə njémeekəije ləm lai ya.

2 Samel 10:5

Loo gə́ Dabid oo taree ndá yeḛ ula njékulaje ar dee d’aw tila kəm dee mbata dəwje neelé rɔkul gə́ boo oso dɔ dee’g. Tɔɓəi mbai lé ar dee d’ula dee pana: Maji kar dee d’isi Jeriko saar d’ar mbaita dee lé idi ɓa d’a ree ɓée ɓəi.

2 Samel 10:7

Loo gə́ Dabid oo ta neelé ndá yeḛ ula Joab gə njérɔje lai gə́ to bao-rɔje mba rɔ ne sə dee.

2 Samel 16:21

Ahitopel ula Absalɔm pana: Maji kari aw to gə gamla-denéje lə bɔbije gə́ yeḛ ya̰ dee ar dee d’isi mba ŋgəm kəi lé, togə́bè ɓa Israɛlje lai d’a koo to gə́ néraije lé ɓa ari tel to ne né gə́ to kḛji kəm bɔbije’g, yee ɓa deḛ lai gə́ d’aw səi lé ji dee a ɓar ne mèr-mèr ya.

2 Samel 23:34

gə Elipelet, ŋgolə Ahasbai, ŋgolə dəw kára gə́ to gə́ Maaka gə Eliam, ŋgolə Ahitopel, dəw gə́ Gilo,

2 Samel 8:12

yee ɓa wɔji dɔ Aramje ləm, gə Moabje ləm, gə Amo̰je ləm, gə Pilistije ləma, gə Amalekje ləm tɔ. Yeḛ ra togə́bè gə nébanrɔ gə́ yeḛ taa ji Adadéjer, mbai gə́ Soba lé tɔ.

2 Samel 8:3

Dabid dum dɔ Adadéjer, ŋgolə Reob, mbai gə́ Soba loo gə́ yeḛ aw mba tel ko̰ɓee dɔ looje gə́ mbɔr baa gə́ Epratə’g gogo lé.

2 Samel 8:5

Aramje gə́ Damas ree mba la gə Adadéjer, mbai gə́ Soba ndá Dabid tɔl Aramje tɔl-dɔg-loo rɔ-joo gir-dee joo (22.000).

1 Mbaije 11:24

Yeḛ mbo̰ dəwje rəa’g tel to ne mbai dɔ njékaw waije loo gə́ Dabid tɔl ne kudu-njérɔje lə ɓéeje lé. Deḛ d’ḭ Damas d’aw d’isi keneŋ ndá d’o̰ ɓee keneŋ.

2 Mbaije 7:6

Mbaidɔmbaije ar kaa pusu-rɔje gə kaa kundaje, gə ndu boo-njérɔje ɓar mee loo-si njérɔje gə́ Siri’g ndá deḛ d’ula na̰ ta yo gə́ nee pana: Aa ooje, mbai gə́ Israɛl uga mbaije gə́ Het, gə mbaije gə́ Ejiptə gə mba kar dee ree rɔ sə sí.

Pakɔsje 48:4

Ala gə́ si kəi-mbai’g ləa lé Dəwje gəree gə́ njo̰loo-kula-dɔ dee keneŋ gə́ to tar sab.

Teḛ-Raga 5:21

Deḛ d’ula dee pana: Maji kar Njesigənea̰ orè kəmee dɔ sí’g ləm, maji karee ɔr kəm taree ləm tɔ! Seḭ ya ɓa tel síje gə́ né gə́ to kḛji kəm Parao̰’g ləm, gə kəm kuraje’g ləa ləm tɔ, to seḭ ya ɓa ulaje kiambas ji dee’g mba kar dee tuji sí ne ya.

Gosota-Kəmkàrje 25:8

Maji kari ḭ rad aw gə dəw loo-gaŋg-rəwta’g el, Nà banelə gée gə́ gogo i a gər né gə́ kəm ra el Loo gə́ mari a kila boo-rɔkul dɔi’g.

Jeremi 40:8

deḛ d’aw rɔ Gedalia’g mee ɓee gə́ Mispa. Deḛ gə́ d’aw lé ɓa nee: Ismael, ŋgolə Netania ləm, gə Jokana gə Jonatan, ŋgalə Karea ləm, gə Seraja, ŋgolə Tanumet ləm, gə ŋgalə Epai, dəw gə́ Netopa ləm, gə Jesania, ŋgolə Maakat ləma, deḛ gə dəwje lə dee ləm tɔ.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Tel tura Godndu 3:14

Jayir, ŋgolə Manasə taa dɔ naŋg gə́ Argob lai saar teḛ ne rəw-nim-ɓee’g lə Geskurje, gə Maakatje ndá yeḛ unda ria-yeḛ ya dɔ ɓee-kogoje’d gə́ Basan, yee ɓa deḛ ɓar dee ne ɓee-kogoje lə Jayir ya saar teḛ ɓogənè ɓəi.

Njéga̰g-Rəwtaje 11:3

Bèe ɓa Jepte aḭ ŋgakea̰je aw əw aw si ɓee gə́ Tɔb. Gaim-dəwje mbo̰ dɔ na̰ rɔ Jepte’g ndá d’aw təd wai səa na̰’d.

Njéga̰g-Rəwtaje 11:5

Loo gə́ Amo̰je d’aw rɔ gə Israɛlje ndá ŋgatɔgje gə́ Galaad d’aw saŋg Jepte mee ɓee gə́ Tɔb.

Njéga̰g-Rəwtaje 18:28

Dəw kára kara taa dɔ dee el mbata deḛ d’isi əw gə Sido̰ ləm, njéɓeeje gə́ keneŋ kara d’ɔm na̰’d gə dəwje gə́ raŋg el ləm tɔ: deḛ d’isi mee wəl-loo’d gə́ aw saar teḛ Bet-Reob. Danje tel gɔl ɓee-boo lé gogo d’isi keneŋ.

1 Samel 13:4

Israɛlje lai d’oo to gə́ deḛ pana: Sawul dum dɔ kudu njérɔje lə Pilistije ndá Israɛlje tel to kḛji kəm Pilistije’g. Bèe ɓa deḛ ɓar njérɔje d’ar dee mbo̰ dɔ na̰ rɔ Sawul’g Gilgal.

1 Samel 27:12

Akis ɔm mée dɔ Dabid’g ndá yeḛ pana: Tɔgərɔ Dabid tel to né gə́ to kḛji kəm dəwje’g ləa gə́ Israɛl ya. Bèe ɓa yeḛ a to kura ləm ya saar gə no̰.