2 Samel 10:4 - Maktub gə́ To gə Kəmee

⁴ Yen ŋga Hana wa kuraje lə Dabid ar dee ndisa dəb mbaita dee ləm, ar dee tḭja kubuje lə dee dana gaŋg saar teḛ ta kudu dee’g ləm tɔ. Tɔɓəi yeḛ ya̰ dee ar dee d’aw.

2 Samel 10:4 ပူးပေါင်းရင်းမြစ်များ

2 Samel 10:5

Loo gə́ Dabid oo taree ndá yeḛ ula njékulaje ar dee d’aw tila kəm dee mbata dəwje neelé rɔkul gə́ boo oso dɔ dee’g. Tɔɓəi mbai lé ar dee d’ula dee pana: Maji kar dee d’isi Jeriko saar d’ar mbaita dee lé idi ɓa d’a ree ɓée ɓəi.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 20:4

Togə́bè ɓa mbai gə́ Asiri a kwa basaje gə ɓugaje gə́ Ejiptə kaw sə dee ɓee-ɓər’g, kubu a godo rɔ dee’g ləm, gɔl dee a to kari ba ləma, d’a kaw kudu dee dum ləm tɔ gə mba kila ne rɔkul dɔ Ejiptə’g ya.

Jeremi 41:5

dəwje rɔ-jinaijoo gə́ d’ḭ Sikem, gə Silo, gə Samari ree, deḛ neelé ndisa mbaita dee ləm, kubuje lə dee ŋgisi ləma, deḛ tḭja rɔ dee pədərə-pədərə ləm tɔ. Deḛ ree gə nékarje gə néje gə́ ə̰də sululu mba kaw ne mee kəi’g lə Njesigənea̰.

Ləbije 19:27

Seḭ a kinjaje dɔ sí gubér el ləm, seḭ a ndisaje kil mbai ta sí el ləm tɔ.