2 Samel 10:3 - Maktub gə́ To gə Kəmee

³ dəwje gə́ boo lə Amo̰je d’ula Hana gə́ ɓée deeje lé pana: See i ə̰ji to gə́ to gə mba kila riɓar dɔ bɔbije’g ɓa Dabid ula ne njégɔl meeije rɔi’g gə mbəa wa. See to gə mba kar dee gər loo ləm, gə mba tən ɓee kédé ləm tɔ ɓa gə mba tel ree tujee ɓəi ɓa yeḛ ula ne kuraje ləa rɔi’g gə mbəa el wa.

2 Samel 10:3 ပူးပေါင်းရင်းမြစ်များ

Gḭ-Néje 42:16

Ɔrje dəw kára mbuna sí’g mba karee aw ree gə ŋgoko̰ sí ndá seḭ ɓa a naije daŋgai’g. Yee ɓa m’a naa ne tapa sí mba gər see tapa sí to ta gə́ tɔgərɔ wa. Ɓó lé bèe el ndá gə goo kisi kəmba lə Parao̰ lé seḭ toje njétə̰lookooje ya.

Gḭ-Néje 42:9

Jisəb lé mée olé dɔ nije gə́ yeḛ ni dɔ dee’g ndá yeḛ ula dee pana: Seḭ toje njétənlookooje ɓa. Seḭ reeje mba koo dəb looje gə́ mee ɓeeko̰’g neelé gə́ siŋga deḛ godo ɓa mba tel kaw kula deeje ɓəi, yee ɓa seḭ reeje ne gə mbəa.

2 Samel 3:25

I gər Abner, ŋgolə Ner gao! Yeḛ ree gə mba su kəmi ləm, gə mba gər rəw-kabije ləma, gə mba gər néje lai gə́ i ra ləm tɔ.

1 Sôrta Gḭka-Israɛlje 19:3

dəwje gə́ boo lə mbai dɔ Amo̰je d’ula Hana pana: See i ə̰ji to gə́ Dabid ndigi kila riɓar dɔ bɔbi’g ɓa ula ne njégɔl meeije rɔi’g gə mbəa wa. See yeḛ saŋg rəw gə mba kar dee gər mee ɓee-boo ləm, gə mba tən ɓee kédé ləm tɔ ɓa gə mba ree tujee ɓəi ɓa yeḛ ula ne njékaḭkulaje ləa rɔi’g gə mbəa el wa.

1 Njé gə́ Kɔrḭtə 13:5

Meenoji lé ra né gə́ bɔsɔsɔ el ləm, né gə́ wɔji dəa kara yee ḭ bigim kuru keneŋ gə mḭdé ra el ləm, mée ḭ pu el ləma, yee tar maree gə́ tar el ləm tɔ.

1 Njé gə́ Kɔrḭtə 13:7

Yee ar mée oso lemsé dɔ néje’g lai ləm, yee unda mée yel dɔ néje’g lai ləm, yee si kərm dɔ néje’g lai ləma, lé riri kara tɔ mée gag-gag dɔ’g ləm tɔ.