2 Samel 10:12 - Maktub gə́ To gə Kəmee

¹² Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

2 Samel 10:12 ပူးပေါင်းရင်းမြစ်များ

2 Samel 10:11

Yeḛ ula ŋgokea̰ lé pana: Ɓó lé siŋga Aramje ur dɔm-ma’g ndá i a ree la səm. Tɔɓəi ɓó lé siŋga Amo̰je ur dɔi-i’g ndá m’a kaw la səi tɔ.

2 Samel 15:26

Nɛ ɓó lé yeḛ pana: Yeḛ ndá mée dɔm’g el ndá aa oo, m’aar nee, maji karee ra səm to gə́ mée ndigi ya.

1 Sôrta Gḭka-Israɛlje 19:13

Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

2 Sôrta Gḭka Israɛlje 32:7

Maji kar sí waje rɔ sí kɔgərɔ ləm, waje diŋgam meḛ sí’g ləm tɔ. Ɓəlje el ləm, ndəbje no̰ mbai’d gə́ Asiri lé el əsé no̰ njérɔje gə́ bula digi-digi’d gə́ d’aw səa lé el ləm tɔ mbata yeḛ gə́ aw sə síjeḛ lé ur dɔ deḛ gə́ d’aw səa-yeḛ’g ya.

Nehemi 4:14

Loo gə́ rara ɓa gə́ arje keneŋ lé ɓó lé to̰to̰ ɓar ndá mbo̰je na̰ reeje rɔ sí’g loo gə́ ooje ndu to̰to̰ keneŋ lé. Ala lə sí a rɔ mbata lə sí ya.

Nehemi 4:8

M’aa loo gərərə ndá m’ḭ tar m’ula dəwje gə́ boo ləm, gə njéko̰ɓeeje ləma, gə ges koso-dəwje gə́ nai ləm tɔ m’pana: Ɓəl deeje el! Arje meḛ sí olé dɔ Mbaidɔmbaije’g, yeḛ gə́ to gə́ boo ləm, to ɓəl kədm-kədm ləm tɔ. Rɔje mbata lə ŋgako̰ síje ləm, gə mbata lə ŋgan síje gə́ diŋgam gə njé gə́ dené ləm, gə mbata lə denéje lə sí ləma, gə mbata lə kəije lə sí ləm tɔ.

Este 4:16

Maji kari mbo̰ Jibje lai gə́ d’isi Susə dɔ na̰’d gə mba kar dee d’ɔg meḛ dee ɓoo mbata ləm, lal ko̰ muru ləm, gə lal kai mán ləm tɔ as ndɔ munda dan kàrá gə loondul’g. Ma kara m’a kɔg məəm ɓó gə ŋganjélookisije ləm gə́ dené to ɓa m’a kḭ kaw rɔ mbai’g lé gə goo godndu el ŋga. Ɓó lé to kəm karm m’wəi ne kara m’a kwəi ne ya.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Bula lə Israɛlje 13:20

dɔ naŋg neelé see to yee gə́ to kəmba əsé wəi mbɔg-mbɔg wa, see kagje to keneŋ, əsé godo wa. Waje rɔ sí kɔgərɔ ndá gə́ reeje gə kandə néje gə́ mee ɓee’g neelé. To naḭ kinja kandə nduú gə́ dɔtar ya.

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

Tel tura Godndu 31:6

Waje rɔ sí kɔgərɔ ləm, waje diŋgam meḛ sí’g ləm tɔ. Ɓəlje el ləm, undaje bala no̰ dee’g el ləm tɔ, mbata Ala lə sí gə́ Njesigənea̰ nja a kaw sə sí na̰’d ləm, yeḛ a kya̰ goo sí yɔgɔ el ləma, yeḛ a kuba sí kya̰ sí el ləm tɔ.

Tel tura Godndu 31:7

Moyis ɓar Juje ulá ta kəm Israɛlje’g lai ya pana: Wa rɔi kɔgərɔ ləm, gə wa diŋgam məəi’g ləm tɔ mbata i nja a gə kaw gə koso-dəwje neelé mee ɓee gə́ Njesigənea̰ man ne rəa ar bɔ deeje-je gə mba kar dee ndá to i ɓa a kar dee d’aw taa gə́ né ka̰ dee-deḛ ya.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Ǝbrəje 13:6

Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.

Jujé 1:18

Dəw gə́ rara gə́ a kal ta ta godndui’g əsé a mbad ra né gə́ rara gə́ i a kun ndui dɔ’g karee ra lé ndá debee neelé d’a tɔlee gə́ tɔl ya. Nɛ i lé a kwa rɔi kɔgərɔ ləm, gə a kwa diŋgam məəi’g ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Njéga̰g-Rəwtaje 10:15

Israɛlje d’ula Njesigənea̰ pana: Jeḛ n’raje kaiya ya, maji kari ra sə sí né to gə́ məəi ndigi. Nɛ né kára ba lé maji kari taa dɔ sí ɓogənè ya kɔgərɔ kari.

1 Samel 14:12

Njérɔje gə́ d’isi loo-si dee’g lé d’ula Jonatan gə yeḛ gə́ njekodo nérɔje ləa lé togə́bè pana: Tugaje loo reeje rɔ sí’g ndá j’a kar sí ooje né. Jonatan ula yeḛ gə́ njekodo nérɔje ləa lé pana: Tuga loo ree goom’g mbata Njesigənea̰ ɔm dee ji Israɛlje’g ya.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.

1 Samel 17:32

Dabid ula Sawul pana: Maji kar dəw kára kara maḭ gə́ rəa mbata lə dəw gə́ Pilisti gə́ nee el! Ma kura ləi m’a kaw rɔ səa ya.

1 Samel 3:18

Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.

1 Samel 4:9

Seḭ Pilistije lé waje rɔ sí kɔgərɔ gə́ diŋgamje mba kar sí toje ɓərje lə Ǝbrəje to gə́ deḛ to ne ɓərje lə sí kédé lé bèe el. Waje rɔ sí gə́ diŋgamje ya rɔ deeje.