2 Samel 1:8 - Maktub gə́ To gə Kəmee

⁸ Ndá yeḛ dəjim pana: See m’to nawa. Ma m’tel m’ilá keneŋ m’pana: M’to gə́ Amalek.

2 Samel 1:8 ပူးပေါင်းရင်းမြစ်များ

Gḭ-Néje 14:7

Tɔɓəi deḛ d’ɔs tel gogo ree En-Mispat gə́ to Kades ndá deḛ dum dɔ Amalekje dɔ naŋg lə deḛ lai ləm, gə Amɔrje gə́ d’isi Hasaso̰-Tamar ləm tɔ.

2 Samel 1:13

Dabid dəji basa gə́ ree ɔr sor taje neelé pana: See i to dəw gə́ ra wa. Yeḛ tel ilá keneŋ pana: Ma m’to ŋgolə dəw-dɔ-ɓee gə́ to gə́ Amalek.

2 Samel 1:7

Yeḛ tel kəmee gə́ gogo oom tɔɓəi yeḛ ɓarm ndá m’pana: Yḛ̀ m’aar nee.

2 Samel 1:9

Yeḛ pana: Maji kam m’rəm pər gə́ rɔ neḛ’g m’tɔl neḛ mbata kəm neḛ ila neḛ nɛ n’isi kəmba ɓəi.

Bula lə Israɛlje 24:20

Balaam oo Amalekje ndá yeḛ pata gə́ gə ndəree togə́bè pana: Amalekje to ginkoji dəwje gə́ siŋga dee ur dɔ mar deeje’g Nɛ ndɔ gə́ raŋg, d’a tuji dee pugudu ya.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.

1 Samel 27:8

Dabid gə njérɔje ləa d’aw wai ɓee lə Gesurje ləm, gə Girjije ləma, gə Amalekje ləm tɔ. Mbata ginkoji dəwje lé d’isi dɔ naŋg’d nee ləw ba wɔji dɔ kel loo gə́ Sur saar teḛ ne dɔ naŋg ɓee gə́ Ejiptə tɔ.

1 Samel 30:1

Mee ndɔ gə́ njekɔm’g munda’g lé loo gə́ Dabid gə njérɔje ləa ree Siklag ndá Amalekje ree wai par gə́ dɔkɔl lə ɓee neelé ləm, gə d’ila rɔ dɔ Siklag’d ləm tɔ ndá, deḛ tuji ɓee gə́ Siklag pugudu-pugudu ləm, rée pər ləm tɔ.

1 Samel 30:13

Dabid dəjee pana: See i to dəw lə nawa. See ḭ ra wa. Yeḛ tel ilá keneŋ pana: Ma m’to ŋgon gə́ Ejiptə, m’ra kula lə dəw kára gə́ to gə́ Amalek, nɛ aa oo, as ndɔ munda gə́ ɓémje ubam ya̰’m ya, mbata rɔm tom.

1 Samel 30:17

Dabid rɔ sə dee, un kudee gə ndɔ rad ya tɔl dee saar bèlè kàrkemetag ar dəw kára kara mbuna dee’g nai el, nɛ basaje tɔl-sɔ (400) ɓa d’uba jambalje d’aḭ d’aw.