2 Samel 1:21 - Maktub gə́ To gə Kəmee

²¹ Mbalje gə́ Gilboa lé Maji kar tàl əsé ndi oso keneŋ teŋ el ləm, Maji kar ndɔje gə dɔ koje gə́ doŋgɔr Gə́ to nékarje lé kara godo keneŋ ləm tɔ! Mbata lé neelé ɓa D’ɔm dərje gə́ bao-rɔje keneŋ ləm, Dər lə Sawul ləm tɔ, D’a kwa dee gə ubu gogo el ŋga.

2 Samel 1:21 ပူးပေါင်းရင်းမြစ်များ

1 Sôrta Gḭka-Israɛlje 10:1

Pilistije d’ɔr rɔ d’aw rɔ gə Israɛlje ndá Israɛlje d’aḭ no̰ Pilistije’g ar dee tɔl dee bula dɔ mbal gə́ Gilboa.

1 Sôrta Gḭka-Israɛlje 10:8

Bèlè lookàree ndá Pilistije ree gə mba tɔr néje rɔ dee gə́ d’wəi’g lé ndá deḛ d’iŋga nin Sawul gə nin ŋganeeje gə́ munda gə́ to naŋg dɔ mbal gə́ Gilboa lé.

Pa gə́ ur dɔ paje 4:4

Gwɔbi ɔd bərəŋ To gə́ kəi lə Dabid gə́ duu dɔ loo Gə́ ra mba karee to kəi-ŋgəm-nérɔje bèe, Deḛ naa̰ dərje keneŋ tɔl-dɔg (1.000). To dərje lai gə́ to ka̰ njésiŋgamoŋje ya.

Esai 21:5

Deḛ ra loo-nésɔ lə dee ləm, D’ɔm twaje naŋg ləma, Deḛ d’usɔ gə d’ai ləm tɔ. Seḭ mbaije, ḭje tar! Ubuje ubu dərje’g lə sí!

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Ejekel 31:15

Mbaidɔmbaije gə́ Njesigənea̰ pa togə́bè pana: ndɔ gə́ yeḛ aw loo-si njé gə́ d’wəi’g lé neḛ n’ar kwa-ndòo-yoo taa loo pəl-pəl ləm, neḛ n’aḭ ŋgaŋ ɓul mán gə mbata ləa ləma, n’ɔg ne baaje loo kula ləm tɔ. Manje gə́ boo-boo rəm d’aar naŋg ləm neḛ n’ar Liba̰ si dan meeko̰’g gə mbata ləa ləma, kagje lai gə́ mee wala’g tudu kurum-kurum ləm tɔ.

Joɛl 1:9

Nékarje gə́ to nduji gə́ ndá léréré ləm, Gə nékarje gə́ ka̰ tər naŋg ləm tɔ lé Godo mee kəi’g lə Njesigənea̰, Njékinjanéməsje gə́ to kuraje lə Njesigənea̰ lé D’isi dan kəmndooyoo’g.

Joɛl 2:14

See na̰ gər wa. Banelə yeḛ a tel ree gə mba tel gə ndia Kar mée oso lemsé dɔ sí’g Tɔr ne ndia dɔ sí’g Esé a kya̰ ne loo kar sí areeje ne nékar gə́ to nduji Esé nékar gə́ ka̰ tər naŋg kar Ala lə sí gə́ Njesigənea̰ lé.

Njéga̰g-Rəwtaje 5:23

Kura lə Njesigənea̰ gə́ dara pana: Ilaje ndɔl dɔ ɓee gə́ Meroj’g, Ilaje ndɔl ya, ilaje ndɔl dɔ dəwje’g ləa, Mbata deḛ ree la gə Njesigənea̰ el ləm, Deḛ la gə Njesigənea̰ mbuna bao-rɔje’g el ləm tɔ.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 31:1

Pilistije d’ɔr rɔ d’aw rɔ gə Israɛlje ndá Israɛlje d’aḭ no̰ Pilistije’g ndá njé gə́ na̰je bula toso d’wəi dɔ mbal’d gə́ Gilboa.

1 Samel 31:8

Bèlè lookàree ndá Pilistije ree mba tɔr néje gə́ to rɔ dee gə́ d’wəi’g lé ndá deḛ d’iŋga nin Sawul gə ŋganeeje gə́ munda gə́ to naŋg dɔ mbal’d gə́ Gilboa lé.