2 Samel 1:14 - Maktub gə́ To gə Kəmee

¹⁴ Dabid tel dəjee pana: See i ɓəl el ɓa un jii ɔrɔ ne rɔ yeḛ gə́ Njesigənea̰ wa dəa gə ubu lé ya aree wəi wa.

2 Samel 1:14 ပူးပေါင်းရင်းမြစ်များ

Pakɔsje 105:15

Pana: Njé’g ləm gə́ m’wa dɔ dee gə ubu lé Maji kar sí ɔrɔje rɔ dee el ləm, Njéteggintaje ləm lé kara Raje sə dee majel el ləm tɔ.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Bula lə Israɛlje 12:8

Ma m’wɔji səa ta gə tam ja̰-ja̰ ləm, ma m’riba səa dɔ rɔm lal pa taje gə́ to loo-kiya’g ləma, m’aree oo né gə́ ɔr gin rɔm-ma Njesigənea̰ pai-pai ləm tɔ. See gelee ban ɓa seḭ ɓəlje el ɓa paje ta gə́ yèr ndɔlje ne kura ləm Moyis lé wa.

2 Piɛrə 2:10

Deḛ gə́ d’ya̰ rɔ dee d’ar mal néje gə́ yèr gə́ ula pər meḛ dee’g ləm, gə d’ila ndɔl dɔ dəw dɔ deeje’g ləm tɔ lé bo̰ néra dee a kɔs ta dee’g kunda njé gə́ raŋg lai. Deḛje neelé to njédumje ləm, gə njébeeleje ləm tɔ ndá deḛ taji njérɔndubaje gə́ taji ɓó deḛ ndəd kəm dee el.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 24:6

Gée gə́ gogo ndá kaaree ɓar dulug-dulug mbata yeḛ inja ta kubu lə Sawul gə́ boi yul lé gaŋg.

1 Samel 24:7

Yen ŋga yeḛ ula njérɔje ləa pana: Maji kar Njesigənea̰ ɔgm dɔ kun jim kɔrɔ ne rɔ mbai ləm, yeḛ gə́ Njesigənea̰ wa dəa gə́ ubu lé mbata yeḛ to dəw gə́ Njesigənea̰ wa dəa gə ubu ya.

1 Samel 26:11

Wah! Ma ɓa yḛ̀, maji kar Njesigənea̰ ɔgm loo kun jim kɔrɔ ne rɔ yeḛ gə́ Njesigənea̰ wa dəa gə́ ubu lé! Nɛ maji kari un ko̰-niŋga ləa gə́ to mbɔr négəd dəa’g ləm, gə ku-gwɔb-mán ləa ləm tɔ ndá ar sí j’ɔd j’awje.

1 Samel 26:9

Nɛ Dabid ula Abisai pana: Tɔlee el! Mbata see na̰ ɓa a kaskəm kun jia kɔrɔ ne rɔ yeḛ gə́ Njesigənea̰ wa dəa gə ubu lé lal kar bo̰ nérea ɔs təa’g wa.

1 Samel 31:4

Yen ŋga Sawul ula njekodo nérɔje ləa pana: Ɔr kiambas ləi ɔsm ne tɔlm nà njépole-magəje d’a ree kula sul dɔm’g. Nɛ njekodo nérɔje ləa lé mbad kɔḭ mbata ɓəl undá badə gaŋgee. Ndá Sawul ya ɔr kiambas ləa mbad rəa piriŋ oso dɔ’g.