2 Piɛrə 2:9 - Maktub gə́ To gə Kəmee

⁹ ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

2 Piɛrə 2:9 ပူးပေါင်းရင်းမြစ်များ

Maktub gə́ wɔji dɔ Jɔb 21:30

Ndɔ némeeko̰ lé né ra njemeeyèr el, Ndɔ oŋg lé yeḛ teḛ keneŋ njoroŋ.

Maktub gə́ wɔji dɔ Jɔb 5:19

Nékəmndooje gə́ gɔl misa̰ lé yeḛ a kɔri keneŋ Ndá njekɔm’g gɔl siri a tibi mbɔri el tɔ.

Pakɔsje 12:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-kag gə́ kulaje jinaijoo.

Pakɔsje 32:6

Togə́bè ɓa maji kar deḛ lai gə́ to majikojije lé Ra tamaji ta Ala’g lé mee kàr’d gə́ rara kara ya! Lée mán bélm ḭ gə mba tur dɔ dee pubug kara A kaskəm tibi mbɔr dee nda̰ el.

Pakɔsje 37:33

Njesigənea̰ lé Ubá yá̰ ji njemeeyèr’g el ləm, Loo gə́ yeḛ aar loo-gaŋg-rəwta’g kara Yeḛ ila ta dəa’g el ləm tɔ.

Pakɔsje 4:3

Seḭ dəwje lé see ndɔ gə́ ra ɓa seḭ a kəwje rɔ sí Kulaje sul dɔ rɔnduba’g ləm wa. See ndɔ gə́ ra ɓa seḭ a kəwje rɔ sí Ndigije néje gə́ gə mḭdé ba ləm, Ǝsé ndolèje goo taŋgɔmje ləm tɔ wa.

Gosota-Kəmkàrje 12:13

Njemeeyèr lé Ta meeyèr gə́ teḛ təa’g ɓa wá gə gum, Nɛ njemeekarabasur lé A kaskəm kɔr rəa dan néurtije’g ya.

Gosota-Kəmkàrje 16:4

Njesigənea̰ ra néje lai gə goo rəbee gə́ yeḛ wɔji, Njemeeyèr kara yeḛ wɔji ne dɔ ndɔ némeeko̰ tɔ.

Matiyo 10:15

Ma nja m’ula sí təsərə, ndɔ gaŋg-rəwta lé rəwta gə́ d’a gaŋg dɔ ɓee’g neelé a kur dɔ ka̰ Sɔdɔm gə Gɔmɔr tɔ.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

1 Njé gə́ Kɔrḭtə 10:13

Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

2 Timote 3:12

Tɔgərɔ ya, dəwje lai gə́ ndigi ra ɓee gin Kristi’g təd ne kag Ala ndá d’a kula kəm dee ndòo ya.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

2 Piɛrə 2:4

Mbata ɓó lé kuraje gə́ dara gə́ ra kaiya lé Ala ɔm dee’g el, nɛ yeḛ wa dee ɓugu dee mee bwa-wəl gə́ ndul ndiŋ-ndiŋ gə́ suna godo’g ŋgina ne ndɔ gaŋg rəwta gə́ d’a gə gaŋg dɔ dee’g lé,

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.

Jude 1:6

Tɔɓəi kuraje gə́ dara gə́ d’ar néra dee wa bua kula lə dee el nɛ d’uba loo-si dee d’ya̰ lé yeḛ unda dee kul ŋgina ne ndɔ gaŋg rəwta gə́ to ndɔ gə́ boo gə́ yeḛ a tɔ dee gə kúla lar jo̰dɔrɔ kɔm dee dan loo gə́ ndul njudu-njudu’g gə no̰ lé tɔ.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

1 Samel 29:10

Bèe ndá maji kari ḭ gə ndɔ rad gə kuraje lə ɓéije gə́ ree səi na̰’d lé. Gə́ teḛje gə ndɔ rad loo gə́ loo si inja gə́ kinja ɓəi ya awje.