2 Mbaije 9:5 - Maktub gə́ To gə Kəmee

⁵ Loo gə́ yeḛ teḛ keneŋ mba̰ ndá aa ooje, ɓé-njérɔje d’isi keneŋ. Ndá yeḛ pana: Mbai, m’aw gə ta kára gə mba kulai. Bèe ɓa Jehu dəjee pana: See na̰ ɓa i a kulá ta neelé mbuna sí’g wa. Yeḛ ilá keneŋ pana: Mbai, m’a kulai-i ya.

2 Mbaije 9:5 ပူးပေါင်းရင်းမြစ်များ

2 Mbaije 9:2

Loo gə́ i a teḛ lée’g lé ndá maji kari aw oo Jehu, ŋgolə Josapat gə́ to ŋgolə Nimsi. I a kɔree njɔl mbuna ŋgakea̰je’g ndá, a kaw səa mee ŋgon kəi’g kára gə́ to gə kuree.

2 Mbaije 9:4

Basa gə́ to kura lə njetegginta lé ɔd aw Ramot gə́ to Galaad’g.

2 Mbaije 9:6

Jehu uba naŋg ḭ aw mee kəi’g ndá basa lé tər ubu dəa’g ulá ne pana: Njesigənea̰, Ala lə Israɛlje pa togə́bè pana: N’wa dɔi gə ubu n’undai gə́ mbai gə́ Israɛl dɔ koso-dəwje’g lə Njesigənea̰.

Njéga̰g-Rəwtaje 3:19

Nɛ yeḛ nja aw saar teḛkɔr mbalje gə́ tɔl dee gə́ magəje gə́ to mbɔr Gilgal’g dəb, ɓa yeḛ ɔs tel aw rɔ mbai’g lé ulá pana: Ǝi Mbai, m’aw gə ta gə́ to loo-kiya’g gə mba kulai. Mbai lé pana: Teḛje raga! Ndá deḛ lai gə́ d’isi rəa’g lé d’unda loo teḛ raga tɔ.