2 Mbaije 9:3 - Maktub gə́ To gə Kəmee

³ I a kun ŋgon ku gə́ ubu to keneŋ neelé ndá, a tər dəa’g pa ne pana: Njesigənea̰ pa togə́bè pana: M’wa dɔi gə ubu gə mba kari to mbai gə́ Israɛl! Tɔɓəi i a kɔr tarəwkəi teḛ kaḭ ɓó a kaar naŋg el.

2 Mbaije 9:3 ပူးပေါင်းရင်းမြစ်များ

1 Mbaije 1:34

Lée neelé ɓa Sadɔk, njekinjanéməs ləm, gə Natan, njetegginta ləm tɔ, d’a kwa dəa gə ubu mba karee to mbai lə Israɛlje. Seḭ a kimje to̰to̰ tɔɓəi seḭ a pajena: Maji kar dɔ mbai Salomo̰ ai səgərə.

1 Mbaije 19:16

Jehu, ŋgolə Nimsi kara i a kwa dəa gə ubu kundá ne gə́ mbai lə Israɛlje, tɔɓəi i a kwa dɔ Elije, ŋgolə Sapat gə́ si Abel-Mehola gə ubu mba kundá gə́ njetegginta tori’g tɔ.

2 Mbaije 8:13

Ajael pana: Ma kura ləi gə́ m’to bisi nee ya see m’askəm ra néje gə́ boo bèe to gə́ ban wa. Ndá Elije ilá’g pana: Njesigənea̰ riba dɔ ta nee am m’oo to gə́ i a to mbai gə́ Siri ya.

2 Mbaije 9:6

Jehu uba naŋg ḭ aw mee kəi’g ndá basa lé tər ubu dəa’g ulá ne pana: Njesigənea̰, Ala lə Israɛlje pa togə́bè pana: N’wa dɔi gə ubu n’undai gə́ mbai gə́ Israɛl dɔ koso-dəwje’g lə Njesigənea̰.

2 Sôrta Gḭka Israɛlje 22:7

Gə goo torndu Ala ɓa kaw gə́ Akajia aw rɔ Joram’g lé tel to ne tuji ləa. Loo gə́ yeḛ teḛ keneŋ ndá lé gə́ neelé yeḛ unda loo teḛ raga gə Joram na̰’d gə mba kar dee rɔ gə Jehu, ŋgolə Nimsi gə́ Njesigənea̰ wa dəa gə ubu mba karee ar gel-bɔje lə Akab d’udu guduru lé.

Teḛ-Raga 29:7

I a kun ubu gə́ ka̰ kunda ne né gə kəmee ndá a tər dəa’g.

Loo gə́ killa rea kəm Daniel’g 2:1

Ləb ko̰ɓee lə Nebukadnesar gə́ njekɔm’g joo lé yeḛ ni nije. Mée tila ŋgaḭla-ŋgaḭla ar ɓi gə́ tḛ́-tḛ́ bèe ya kara oso kəmee’g el.

Loo gə́ killa rea kəm Daniel’g 5:18

Ǝi mbai, Ala gə́ Njekurdɔloo’g ar bɔbije gə́ Nebukadnesar ɓeeko̰ gə́ tad rəg-rəg ləm, aree to dəw gə́ boo ləm, ula rɔnduba dəa’g ləma, ar boo-rondubaje taa rəa pəl-pəl ləm tɔ lé.

Ləbije 8:12

Yeḛ tər ubu gə́ ka̰ kunda ne né gə kəmee lé dɔ Aaro̰’g mba kundá ne gə kəmee tɔ.

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Matiyo 2:13

Loo gə́ deḛ d’ḭ d’ɔd d’aw mba̰ ndá né gə́ mḭdi ɓa kura lə Mbaidɔmbaije gə́ dara ur ne dɔ Jisəb’g ulá ne pana: Maji kari uba naŋg ḭta un ŋgonkas gə kea̰je lé aḭ sə dee aw sə dee Ejiptə saar ma nja m’a kulai né gə́ i a ra ɓəi. Mbata Herɔdə lé a gə saŋg loo mba tɔl ŋgonkas neelé ya.

Matiyo 26:7

ndá dené kára bèe rəm pər gə́ rɔ Jeju’g gə ŋgoro-ubu gə́ ra gə jər gə́ ria lə albatrə lé jia’g, ubu neelé ə̰də sululu gadee al dɔ loo sula. Loo gə́ deḛ d’isi ta ka-nésɔ’g ndá yeḛ tər ubu lé dɔ Jeju’g.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 15:1

Samel ula Sawul pana: Ma lé Njesigənea̰ ulam mba kam m’wa dɔi gə ubu m’undai ne gə́ mbai dɔ koso-dəwje gə́ Israɛl. Bèe ndá maji kari oo ta gə́ Njesigənea̰ ɓa pa.

1 Samel 15:17

Samel pana: Loo gə́ i oo rɔi gə́ né gə́ əḭ kəmi’g el lé see i tel to mbai dɔ ginkoji Israɛlje el wa. See Njesigənea̰ ɓa wa dɔi gə ubu ari to mbai lə Israɛlje el wa.

1 Samel 16:2

Samel pana: See m’a kaw to gə́ ban wa. Sawul a koo taree ndá a tɔlm. Nɛ Njesigənea̰ ulá pana: I a kwa ma̰də maŋg jii’g kaw ne ndá a pana: I ree mba kinja nékinjaməs kar Njesigənea̰.

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.