2 Mbaije 9:1 - Maktub gə́ To gə Kəmee

¹ Elije, njetegginta ɓar basa kára mbuna koso njéteggintaje’g ulá pana: Tɔ ndar ɓəri’g ndá un ku gaji-da gə́ nee gə́ ubu to keneŋ lé aw ne Ramot dɔ naŋg gə́ Galaad.

2 Mbaije 9:1 ပူးပေါင်းရင်းမြစ်များ

1 Mbaije 1:39

Sadɔk, njekinjanéməs un ku-gaji-da gə́ ubu to keneŋ mee kəi-kubu’g ndá yeḛ wa ne dɔ Salomo̰ tɔ. Tɔɓəi d’im to̰to̰ ndá koso-dəwje lai pana: Maji kar dɔ mbai Salomo̰ ai səgərə.

1 Mbaije 18:46

Bèe ɓa, ji Njesigənea̰ to ne dɔ Eli’g, aree wa kubu ləa gə́ tɔ ne rḛgee aḭ ne no̰ Akab’g saar teḛ ne tarəwkɔg gə́ Jisreel lé tɔ.

1 Mbaije 19:16

Jehu, ŋgolə Nimsi kara i a kwa dəa gə ubu kundá ne gə́ mbai lə Israɛlje, tɔɓəi i a kwa dɔ Elije, ŋgolə Sapat gə́ si Abel-Mehola gə ubu mba kundá gə́ njetegginta tori’g tɔ.

1 Mbaije 20:35

Njetegginta kára mbuna mareeje’g ula njeboalookaw ləa gə goo torndu Njesigənea̰ pana: Maji kari undam tɔlm ya! Nɛ dəw neelé mbad kundá tɔlee.

1 Mbaije 22:20

Njesigənea̰ dəji dee pana: See na̰ ɓa a kaw su kəm Akab mba karee aw Ramot dɔ naŋg gə́ Galaad mba karee tuji keneŋ wa. Deḛ tel d’ilá keneŋ gə́ yo gə́ nee ar yeḛ gə́ kára pa gə gosee ləa gə́ ɓəd ləm, yeḛ gə́ raŋg pa gə gosee ləa gə́ raŋg ləm tɔ.

1 Mbaije 22:4

Bèe ɓa yeḛ dəji Josapat pana: See i ndigi kaw sə sí kaw rɔ gə njé gə́ Ramot gə́ dɔ naŋg gə́ Galaad lé wa. Josapat tel ila mbai gə́ Israɛl lé keneŋ pana: J’a kawje ya, ma m’to gə́ i ləm, koso-dəwje ləm tɔ gə́ dəwje ləi ləma, kundaje ləm kara to kundaje ləi ləm tɔ.

2 Mbaije 2:15

Njéteggintaje gə́ d’isi Jeriko lé d’ée ŋgərəŋ ndá deḛ pana: Ndil Eli ɔm dɔ Elije’g. Deḛ d’ɔd daw tila kəmee, d’ɔs kəji dee naŋg nea̰’g tɔ.

2 Mbaije 2:3

Ges njéteggintaje gə́ d’isi Betel lé teḛ d’aw rɔ Elije’g d’ulá pana: See i gər to gə́ ɓogənè Njesigənea̰ a gə kun ɓéije kaw səa el wa. Yeḛ tel ila dee keneŋ pana: M’gər ya, nɛ arje ta sí to mundu.

2 Mbaije 2:5

Ges njéteggintaje gə́ d’isi Jeriko lé teḛ d’aw rɔ Elije’g d’ulá pana: See i gər to gə́ ɓogənè Njesigənea̰ a gə kun ɓéije kaw səa el wa. Yeḛ ilá dee keneŋ pana: M’gər ya nɛ arje ta sí to mundu.

2 Mbaije 2:7

Dəwje rɔ-mi mbuna njéteggintaje’g lé teḛ d’aar ŋgərəŋ d’wɔji dɔ Eli deḛ gə Elije gə́ d’aar dɔ koŋgo baa’d gə́ Jurdɛ̰ njoroŋ lé.

2 Mbaije 4:1

Dené kára mbuna denéje’g lə njéteggintaje ra ndòo rɔ Elije’g pana: Ŋgabmje gə́ to kura ləi lé wəi, nɛ i gər gao to gə́ yeḛ lé to njekwa Njesigənea̰ mée’g. Nɛ njeɓaŋ ree mba taa ŋganəmje gə́ joo gə mba kwa dee gə́ ɓərje ləa.

2 Mbaije 4:29

Bèe ɓa Elije ula Gehaji pana: Tɔ ndar ɓəri’g, un kag-tɔs ləm jii’g ndá ɔd aw. Ɓó lé i iŋga dəw rəbə ndá rəa lapia el ləm, ɓó lé dəw rai lapia kara ilá keneŋ el ləm tɔ. I a kila kag tɔs ləm kəm ŋgon’g lé.

2 Mbaije 9:4

Basa gə́ to kura lə njetegginta lé ɔd aw Ramot gə́ to Galaad’g.

2 Sôrta Gḭka Israɛlje 22:1

Dəwje gə́ Jerusalem d’ar Akajia, ŋgolə Joram gə́ ndɔḭ ɓa o̰ ɓee toree’g mbata kudu-njérɔje gə́ ree gə Arabə na̰’d loo-si dee’g lé tɔl ŋganeeje gə́ tɔg lai. Togə́bè ɓa Akajia, ŋgolə Joram, mbai gə́ Juda lé o̰ ne ɓee.

2 Sôrta Gḭka Israɛlje 22:5

Taje lə dee ndɔree aree aw gə Joram, ŋgolə Akab, mbai gə́ Israɛl loo rɔ’g mba rɔ gə Ajael, mbai gə́ Siri mee ɓee gə́ Ramot dɔ naŋg gə́ Galaad. Ndá Aramje d’ar Joram doo.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Matiyo 26:7

ndá dené kára bèe rəm pər gə́ rɔ Jeju’g gə ŋgoro-ubu gə́ ra gə jər gə́ ria lə albatrə lé jia’g, ubu neelé ə̰də sululu gadee al dɔ loo sula. Loo gə́ deḛ d’isi ta ka-nésɔ’g ndá yeḛ tər ubu lé dɔ Jeju’g.

Tel tura Godndu 4:1

Israɛlje, maji kar sí ooje godnduje gə ndukunje gə́ ma m’ndoo sí lé. Maji kar sí raje née gə mba kar sí síje ne kəmba ləm, gə mba kar sí a̰dje ne mee ɓee gə́ Njesigənea̰ Ala lə bɔ síje ar sí gə́ né ka̰ sí lé ləm tɔ.

Tel tura Godndu 4:3

Kəm sí oo né gə́ Njesigənea̰ ra wɔji ne dɔ magə Baal-Peɔr lé gao ya, Ala lə sí gə́ Njesigənea̰ tuji deḛ lai gə́ mbuna sí’d gə́ d’aw goo magə Baal-Peɔr’g neelé,

1 Piɛrə 1:13

Gelee gə́ nee ɓa maji kar sí ɔmje mina̰ wur sí’g go̰je ne loo soo-soo undaje meḛ sí yel ŋginaje ne noji gə́ d’a gə kwa sə sí ndɔ gə́ Jeju Kristi a kila rəa gə́ raga.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 16:1

Njesigənea̰ ula Samel pana: See ndɔ gə́ ra ɓa i a kəw rɔi no̰ gə mba Sawul wa. Ma m’ubá m’yá̰ gə mba karee o̰ ɓee dɔ Israɛlje’g el ŋga. Ɔm ubu ku-gaji-da’g ləi aree rusu ndá aw: m’a kulai ɓee lə Isai, dəw gə́ Betlehem, mbata ma m’oo ŋgon kára gə́ mbuna ŋganeeje’g, yeḛ gə́ ma m’ndigi karee to mbai lé.